Fundargerð skóla, íþrótta og tómstundanefndar  27

1.

1209007F - Skóla,íþrótta og tómstundanefnd - 25

Engar athugasemdir.

2.

1210009F - Skóla,íþrótta og tómstundanefnd - 26

Engar athugasemdir.

3.

201210027 - Starfsáætlun grunnskólans í Hofgarði

Pálína Þorsteinsdóttir gerði grein fyrir starfsáætlun grunnskólans í Hofgarði. Í Hofgarði eru 10 nemendur í  yngri og eldri deild og innan deilda er samkennsla þvert á aldur. Þar er haldið upp á dag íslenskrar tungu 16. nóv. og áður en farið er í jólafrí er samvera með foreldrum. Einnig er haldið þorrablót þar sem foreldrar skiptast á um að sjá um matinn og er öllum Öræfingum boðið á blótið. Á vorönninni er boðið í kaffi á feðra- afa- og bræðradegi og mæðra, ömmu og systradegi og árshátíð er í mars. Sjálfsmat skólans er komið í ákveðið ferli. Umræður spunnust um símenntun starfsmanna þar sem fundarmenn voru sammála um að sjálfsagt væri að starfsfólk  Grsk. í Hofgarði ætti kost á að sækja námskeið sem haldin eru í GH. Í samvinnu við foreldra var sótt um undanþágu til mennta- og menningarmálaráðuneytisins frá því að starfrækja nemendaverndar- og skólaráð vegna mannfæðar. Veitti ráðuneytið þá undanþágu.  Skólinn er ekki með heimasíðu en málið er í samningsferli.

4.

201210028 - Hagir og líðan ungmenna á Hornafirði 2012

Undir þessum lið sátu Pálína Þorsteinsd. og  Þórgunnur Torfadóttir skólastjórar, Hanný Ösp Pétursdóttir fulltrúi foreldra og Herdís Tryggvadóttir fulltrúi kennara. Ragnhildur fór yfir niðurstöður könnunar sem lögð var fyrir nemendur í 8. 9. og 10. bekk í febrúar 2012  af Rannsókn og greiningu. Fundarmenn voru sammála um að mjög margt  jákvætt væri að gerast hjá unglingunum okkar en talsverðar umræður spunnust um þær breytingar sem verða á vímuefnaneyslu eftir grunnskóla. Samþykkt að skrifa grein um niðustöðurnar í staðarmiðlana og setja tengil inn á glærurnar. Einnig að kynna þetta fyrir nemendum á unglingastigi í grunnskólanum.

5.

201210029 - Forvarnarstefna sveitarfélagsins

Undir þessum lið sátu Pálína Þorsteinsd. og Þórgunnur Torfadóttir skólastjórar. Arna las erindi frá grasrótarhóp um forvarnir. Matthildur vísaði í starf hópsins og þá skoðun að forvarnarstefna sveitarfélagsins væri orðin úrelt. Fundarmenn voru sammála um að bregðast við þessu erindi grasrótarhópsins og fara í þá vinnu að endurskoða þessa stefnu. Þórgunnur lýsti vinnu sem unnin er í GH og er liður í forvörnum.

6.

201210031 - Þrykkjan, klúbbastarf

Á fundinum var kynnt greinargerð um stöðu klúbbastarfs í Þrykkjunnni og kom þar í ljós að fjármagn vantar í klúbbastarf.

Málinu vísað til Bæjarráðs.  

7.

201210035 - Ungmennaráð, tilnefning

Starfsmanni falið að finna fulltrúa

8.

201210030 - Málefni nemenda mmeð sérþarfir Stefna sveitarstjórnar

Í tengslum við eftirfylgni með úttekt á GH kemur fram að ábótavant er að stefnu sveitarféalgsins vantar í málefnum nemenda með sérþarfir. Ekki er nóg að hafa þessa stefnu einungis í GH. Starfsmanni falið að vinna að málinu.

9.

201108002 - Landsmót unglinga 2013 á Hornafirði

Matthildur Ásmundardóttir formaður Landsmótsnefndar gerði grein fyrir hvernig undirbúningur fyrir landsmótið gengur.