Fundargerð skóla, íþrótta og tómstundanefndar 25

25. fundur

Fundur haldinn í skóla-, íþrótta- og tómstundanefnd Hornafjarðar miðvikudaginn 19. september 2012 kl. 16:30 í ráðhúsi Hornafjarðar.  
Mætt voru: Ásgerður K. Gylfadóttir, formaður, Arna Ósk Harðardóttir, Ásgeir Ásgeirsson, Lovísa Rósa Bjarnadóttir, Matthildur Ásmundardóttir og Ragnhildur Jónsdóttir.          
Vilhjálmur Magnússon sat fund undir lið 2.
Þórgunnur Torfadóttir sat fund undir liðum 3-7.  

1. Fundargerð 24. fundar.  
Engar athugasemdir gerðar. 

2. Kynning á starfsemi Þrykkjunnar og nýjum tómstundafulltrúa.
 Vilhjálmur Magnússon nýr tómstundafulltrúi lagði fram og fór yfir greinargerð um flutning Þrykkjunnar yfir í Vöruhús og starfið framundan. Fram kom að margt af húsmunum, tækjum og tólum er úr sér gengið og ónýtt. Hann sagði frá heimsókn sem hann fór í Pakkhúsið á Selfossi sem er ungmennahús til að kynna sér starfsemina þar og læra. Þrykkjan hóf starf í Vöruhúsi 3. september, búið er að kjósa í Þrykkjuráð og fara á Fjarðaball með 9. og 10. bekk sem fór mjög vel fram og þótti skemmtilegt. Þrykkjan er komin á Facebook, búið er að stofna tvo klúbba annan sem tengist Samaust, söngvakeppni og hinn tengist Stíl, hönnunarkeppni. Unnið er að því að skipuleggja meira klúbbastarf. Húsnæðið er enn hrátt og hugmyndin er að skreyta og mála í samræmi við hugmyndir þeirra sem sækja Þrykkjuna. Vilhjálmur kynnti skýrslu um skapandi samfélag, ákveðið að Ragnhildur sendi nefndarmönnum hana. Rætt um að Vilhjálmur kalli fljótlega saman ungmennaráð.

3. Starfsáætlun grsk. Hornafjarðar 
Þórgunnur Torfadóttir fór yfir starfsáætlun skólans sem er bæði í handbók skólans og á
heimasíðunni. Skólanefnd samþykkir starfsáætlun GH.
Þórgunnur sagði frá heimsókn sem skólinn fékk frá Verkfræðideild Háskóla Íslands til að
kynnast starfinu sem unnið hefur verið undanfarin ár í Legóhópum skólans. Hún kynnti
einnig þá nýbreytni að nú í fyrsta skipti verði allir nemendur í 7. bekk í Legó-vinnunni.

4. Skilgreining á skóladögum í grunnskólum
Fram kom að nemendadagar eru 176 auk fjögurra staflaðra daga,  sjá nánar skóladagatal GH.   Ákveðið að kanna viðhorf foreldra til skipulags á skóladagatali Grunnskóla Hornafjarðar á foreldradegi í nóvember.

5. Verklagsreglur um viðbrögð við verulegum frávikum nemenda og ábyrgð og skyldum í grunnskóla.
Fram kom að þessar reglur eru ekki verklagsreglur við almennum agabrotum í skólanum heldur reglur við mjög alvarlegum agabrotum og lögbrotum s.s. fíkniefna- neyslu eða sölu eða alvarlegu ofbeldi. Þessar verklagsreglur þjóna bæði þeim tilgangi að nemandi fái réttláta málsmeðferð og verndar starfsmenn skóla. Fram kom að viðbótarerindi var sent frá skólamálafulltrúa Sambands Íslenskra Sveitarfélaga kl. 14:20 í dag svo enginn fundarmanna hafði haft tíma til að lesa það erindi. Því er afgreiðslu frestað.

6. Tillaga um áskrift að Skólavoginni. 
Fram kom að það að hafa aðgang að skólavoginni auðveldi samanburð við aðra skóla og sveitarfélög. Þannig sparast ómældur tími við upplýsingaöflun. Skólanefnd samþykkir einróma að leggja til að Sveitarfélagið gerist áskrifandi að Skólavoginni.

7. Bréf mennta- og menningamálaráðuneytisins um eftirfylgni með úttekt á grsk. Hornafjarðar.
Fram kom að þann 21. Mars 2012 var kynnt  mat á framgangi umbótaáætlunarinnar og það sett á heimasíðu skólans.  Ákveðið að senda það mat til ráðuneytisins sem og slóð inn á þessar upplýsingar. Fram kom að sveitarstjórn þarf að marka stefnu i málefnum nemenda með sérþarfir.  Fræðslustjóra var falið að svara ráðuneytinu og hefja undirbúning að stefnumörkun í  málefnum nemenda með sérþarfir.

Umræður spunnust um lengda viðveru. Fram kom að 37 börn eru þar daglega. Umræður voru um skipulag starfsins með börnunum og virkni starfsmanna í skapandi leik með þeim. Fram kom að starfsmaður sem ber ábyrgð á daglegu starfi í lengdu viðverunni fær takmarkaðan undirbúningstíma sem stafar af því að hann er einnig starfsmaður skólans eins og aðrir starfsmenn í lengdu viðverunni.

8. Breyting á reglum leikskólanna í samræmi við breytta opnunartíma.
Búið er að setja nýjan opnunartíma inn reglurnar. Ítrekað að það komi fram á umsóknareyðublaði leikskólanna að ef fram kemur aukinn þörf um lengri opnunartíma verði opnunartími endurskoðaður.

9. Gjaldskrár til kynningar
Gjaldskrá fyrir fæði í Kátakoti stendur undir sér. Samþykkt að hækka ávaxtabitann í GH um 10 krónur í janúar.

10. Gjaldskrá sundlaugar og tillögur forstöðumanns.
Skóla- íþrótta- og tómstundanefnd samþykkir að gjaldskrá verði aðlöguð í samræmi við sambærilegar laugar en leggur áherslu á  að reglum  um börn, öryrkja og ellilífeyrisþega verði ekki breytt.

11. Stefna sveitarfélagsins í æskulýðs-íþrótta og tómstundamálum.
Skóla- íþrótta- og tómstundanefnd samþykkir að koma saman til vinnufundar um stefnumótunina 3. Október kl. 16:00 í Nýheimum.

12. Önnur mál  
a) Bréf frá HAUST, varðar öryggi á sundstöðum
Kynnt var bréf frá Heilbrigðiseftirlit Austurlands dags. 6. Sept. 2012. Skóla- íþrótta- og tómstundanefnd leggur áherslu á að farið sé eftir settum reglum um öryggi á sundstöðum.

b) Sáttagerð
Gerð var grein fyrir sáttargerð vegna ráðningar deildarstjóra hjá Grunnskóla Hornafjarðar. Skólanefnd hvetur Sveitarfélagið til að fara eftir settum reglum um ráðningu starfsmanna. 

c) Greiðslur vegna fæðis grunnskólabarna úr Öræfum í heimavistun á Höfn
Kynnt og samþykkt tillaga að fyrirkomulagi greiðslna.
d) Námstefna á Akureyri 12. október kynnt.
e) Matthildur kynnti dagskrá um eineltismál sem „Æskulýðsvettvangurinn“ stendur fyrir þann 22. Okt. Í Nýheimum.
f) Farið var í vettvangsferð í Vöruhús.

Fundi slitið kl. 19:50