Fundargerð skóla, íþrótta og tómstundanefndar 23

Fundur haldinn   í skóla-, íþrótta- og tómstundanefnd Hornafjarðar miðvikudaginn 13. júní 2012 kl. 16:30 í ráðhúsi Hornafjarðar.  

Mætt voru:    Ásgerður K. Gylfadóttir, formaður, Arna Ósk Harðardóttir,  Lovísa Bjarnadóttir, Matthildur Ásmundardóttir, Jóhann Morávek,  Árni Rúnar Þorvaldsson og Stefán Ólafsson.          

Samþykkt að bæta við nýjum lið á dagskrá, 6. liður, breyting á stöðu deildarstjóra.

1.      Fundargerð 22. fundar            

Engar athugasemdir gerðar.

2.      Tónskóli A-Skaft., ósk skólastjóra um breytingar á tímakvóta skólans

(Jóhann sat fundinn undir þessum lið.)

Í tölvupósti, dags. 23. maí 2012, fer skólastjóri Tónskólans fram á að bætt verði 9 – 12 kennslustundum við þær 128 sem lagðar voru til á 22. fundi skóla-, íþrótta- og tómstundanefndar. Rökin fyrir þeirri ósk eru þau að með fyrirliggjandi tímafjölda (128) verði ekki hægt að ráða að skólanum gítarkennara í fulla stöðu. Samkvæmt fyrirliggjandi yfirliti skólastjóra var yfirvinna við upphaf skólaársins 2011 - 2012 samtals 25,59 kennslustundir (klukkustundir) á viku sem er rúmlega ein staða.

Skóla-, íþrótta- og tómstundanefnd samþykkir að ósk skólans um fjölgun kennslustunda verði lögð fyrir bæjarráð og afgreidd þar þegar upplýsingar um kennararáðningar og skiptingu kennslustunda í Tónskólanum liggur fyrir.   

3.      Skóladagatal Grunnskólans í Hofgarði

Pálína Þorsteinsdóttir skólastjóri (í síma) gerði grein fyrir skóladagatali 2012 – 2013.

Skóla-, íþrótta- og tómstundanefnd samþykkir skóladagatal Grunnskólans í Hofgarði.

4.      Skýrsla tómstundafulltrúa

 (Árni Rúnar sat fundinn undir 4. og 5. lið.)

Tómstundafulltrúi fór yfir greinargerð um starfsemi og mætingu félagsmiðstöðvar á seinni hluta starfsárs sem og starfsemi ungmennaráðs. Fram kemur í greinargerðinni að mæting í félagsmiðstöð hafi verið með ágætum á þessu tímabili og að drengir sæki hana mun meira en stúlkur. Nefndin leggur áherslu á að áfram verði haldin skrá yfir mætingu í félagsmiðstöð.

Ungmennaráð hélt fimm fundi á starfsárinu auk þess að sitja fund með skóla-, íþrótta- og tómstundanefnd.

Undir þessum lið var tekin fyrir 5. fundargerð ungmennaráðs.

Nefndarmenn færðu Árna þakkir fyrir störf hans sem tómstundafulltrúi sveitarfélagsins og óskuðu honum velfarnaðar í nýju starfi.  

5.      Stefnumótun í æskulýðs-, íþrótta- og tómstundamálum

Ásgerður fór yfir stöðu mála og gerði grein fyrir athugasemdum sem henni hafa borist og ræddi áframhaldandi vinnu. Nefndin óskar eftir að fyrirliggjandi samningar við íþróttafélög verði kynntir nefndinni sem og kostnaðarmat sem lagt er til af bæjarráði. Þegar þetta liggur fyrir verði stefnt að vinnufundi. Árni óskar eftir að fylgja vinnu að stefnunni til enda.   

6.      Breyting á stöðu deildarstjóra

Vegna uppsagnar deildarstjóra sérkennslu óska skólastjórar Grunnskóla Hornafjarðar  eftir heimild til þess að í stað þess að hafa eina 100% stöðu deildarstjóra við skólann verði tvær 50% stöður, ein á hvoru skólastigi, sbr. bréf stjórnenda, dags. 1. júní 2012.

Nefndin lýsir yfir áhyggjum sínu á brotthvarfi  sérmenntaðs starfsfólks úr skólanum.  

Skóla-, íþrótta- og tómstundanefnd samþykkir ósk skólastjórnenda.

7.      Önnur mál

·         Greint frá kostnaði vegna ferðalaga íþróttamanna á vegum Umf. Sindra. Samkvæmt upplýsingum framkvæmdastjóra félagsins nemur hann um 11 millj. á ári. Er þá ekki með talinn kostaður foreldra og einstaklinga vegna aksturs á eigin bíl. Ekki liggur fyrir kostnaður frá öðrum íþróttafélögum.

·         Greint frá samskiptum við framkvæmdastjóra Rannsókna og greiningar vegna úrvinnslu á upplýsingum um vímuefnineyslu ungmenna m.m. í 8. – 10. bekk.

Fundi slitið kl. 19:10