Fundargerð skóla- íþrótta- og tómstundanefndar 20

20. fundur

Fundur haldinn    í skóla-, íþrótta- og tómstundanefnd Hornafjarðar miðvikudaginn 21. mars 2012 kl. 16:30 í ráðhúsi Hornafjarðar.  

Mætt voru:    Ásgerður K. Gylfadóttir, formaður, Arna Ósk Harðardóttir,  Ásgeir Ásgeirsson, Lovísa Bjarnadóttir, Matthildur Ásmundardóttir, Stefanía Lóa Þórðardóttir, Magnhildur Gísladóttir,  Árni Rúnar Þorvaldsson, Gunnar Ingi Valgeirsson, Hulda Laxdal Hauksdóttir og Stefán Ólafsson.          

1.      Fundargerð 19. fundar

Engar athugasemdir gerðar.

2.      Stefna Grunnskóla Hornafjarðar í sérkennslumálum

Farið yfir tillögur að stefnu Grunnskóla Hornafjarðar, stoðþjónusta – skipulag, markmið og leiðir, framhaldsumræða frá 19. fundi nefndarinnar.

Stefnan borin undir atkvæði og samþykkt samhljóða.

3.      Umbótaáætlun Grunnskóla Hornafjarðar

Hulda fór yfir stöðu umbóta í Grunnskóla Hornafjarðar í kjölfar úttektar á skólamálum, sbr. umbótaáætlun, dags. 29. mars 2011. Útskýrði hún hvað unnið hafi verið á vegum skólans frá því að umbótaáætlunin var lögð fram og svaraði fyrirspurnum fundarmanna.

4.      Samningur vegna skólamáltíða í Grunnskóla Hornafjarðar, vísað til nefndarinnar af bæjarráði

Samkvæmt útboðsskilmálum er heimilt að framlengja samning um skólamáltíðir um tvö ár. Verktaki hefur lýst yfir vilja sínum að halda áfram með verkið næstu tvö skólaár. Bæjarráð vísaði málinu til umfjöllunar hjá skólastjórum, í skólaráði og skóla-, íþrótta- og tómstundanefnd. Skólastjórnendur leggja áherslu á ákveðnar breytingar á matseðli. Þær breytingar munu leiða til meiri kostnaðar samkvæmt upplýsingum verktaka.

Skóla-,íþrótta- og tómstundanefnd leggur til að samið verði við verktaka til tveggja næstu ára á sama grunni og samið var um í framhaldi af útboði á skólamáltíðum fyrir Grunnskóla Hornafjarðar árið 2009.

5.      Ósk Grunnskóla Hornafjarðar um meiri stuðning við ferðir nemenda

Grunnskóli Hornafjarðar óskar eftir því að sveitarfélagið hækki framlag sitt til aksturs vegna nemendaferða. Óskin er sett fram til að hægt verði að greiða rútukostnað vegna  ferða nemenda í 7. og 9. bekk í skólabúðir og skíðaferðalaga 6. og 8. bekkjar.  Mikil umræða spannst um um hinar ýmsu ferðir á vegum skólans, gildi þeirra og kostnað fyrir foreldra.  

Samþykkt að kannað verði á meðal sambærilegra sveitarfélaga hvað þau leggi skólum til af fjármagi vegna ferða á vegum grunnskóla og í hvaða ferðir verið er að fara.  

6.      List- og verkgreinar í Vöruhúsi – skýrsla starfshóps

Skýrsla starfshóps um sameiginlegt húsnæði fyrir kennslu í list- og verkgreinum í grunnskóla og framhaldsskóla og aðstöðu fyrir listamenn og hönnuði sem og félagsmiðstöð ungmenna. Niðurstöður starfshóps: „Í samræmi við það sem að framan greinir er niðurstaða starfshópsins sú að á næsta skólaári fari fram kennsla í list- og verkgreinum umfram það sem nú er kennt í Vöruhúsi. Hönnuðum og listamönnum verði gert kleift að nýta húsið fyrir sína starfsemi. Næstu tvö ár verði reynslutími sem nýttur verði til að byggja á ákvarðanir til lengri framtíðar. Þá liggi fyrir ákvörðun um hvort list- og verkgreinar verði áfram í húsinu eða nýtt hús byggt. Verði Vöruhús nýtt áfram er rétt að huga að því að kaupa húsið fremur en leigja.“

Undir þessum lið var rætt um staðsetningu félagsmiðstöðvar og mikilvægi þess að hún hafi varanlegan samanstað sem auðveldlega geti farið saman með verk- og listgreinum.

Skóla-, íþrótta- og tómstundanefnd er sammála því að unnið verði í samræmi við skýrsluna með ákveðna framtíðarsýn í huga.  (Stefanía Lóa, Hulda og Magnhildur viku af fundi.)

7.      Staða talmeinafræðings

Greint frá því að talmeinafræðingur sem nú sinnir þjónustu fyrir leikskóla og grunnskóla sem verktaki hyggist ekki endurnýja samning sinn við sveitarfálagið en hann rennur út í lok yfirstandandi skólaárs. Einnig greint frá því að sálfræðingur sem sinnir þjónustu við sömu skólastig sem verktaki sé með lausan samning eftir skólaárið.

8.      Stefnumótun í æskulýðs-, íþrótta- og tómstundamálum                   Kl. 18:15

(Gunnar Ingi sat fundinn undir 8., 9. og fyrsta hluta 12. liðar og Árni Rúnar undir 8. lið og fyrsta hluta 12. liðar.)

Árni Rúnar, Gunnar Ingi og Stefán gerðu grein fyrir stöðu á vinnu við stefnumótun í æskulýðs-, íþrótta- og tómstundamálum í sveitarfélaginu og skipulagi á opnum fundi sem verður í Nýheimum laugardaginn 24. mars nk. frá kl. 10 – 14. Fyrirkomulag vinnunnar var rætt og var nefndin sammála því plani sem kynnt var.

9.      Aðsent bréf vegna sundlaugar

Tekið fyrir bréf Ragnheiðar Rafnsdóttur til „Skólanefndar Hornafjarðar“, dags. 1. mars 2012, þar sem hún vekur athygli nefndarinnar á ýmsum atriðum er varða sundlaugina, svo sem lög, reglur, umgengni, gæslu starfsmanna o.fl. þætti.

Undir þessum lið var einnig rætt um yfirbreiðslu yfir sundlaugina og notkun hennar.  

10.  Niðurstöður heilsuþings

Teknar til umræðu niðurstöður heilsuþings sem haldið var 5. október 2011. Meginþemu þingsins voru hreyfing, hugarfar/geðrækt, forvarnir/fræðsla, mataræði, samvera. Vísað til vinnu að stefnumótun í æskulýðs-, íþrótta- og tómstundamálum 

11.  Viðmiðunarreglur Sambands íslenskra sveitarfélaga vegna leikskóladvalar barna utan lögheimilissveitarfélags

Til kynningar.

12.  Önnur mál

·         Lögð fram fundargerð 4. fundar ungmennaráðs, dags. 15. mars 2012. Umræður urðu um ráðstefnuna „Ungt fólk og lýðræði“. Hluti ungmennaráðs og tómstundafulltrúi munu sækja ráðstefnuna.

·         Tekið fyrir bréf félagsmálastjóra, fært í trúnaðarbók. Þennan lið sátu einungis kjörnir fulltrúar og starfsmaður nefndarinnar.

Fundi slitið kl. 19:50