Fundargerð skólanefndar 121

121. fundur

Fundur haldinn      í skólanefnd Hornafjarðar miðvikudaginn 27. janúar 2010 kl. 17:00 í ráðhúsi Hornafjarðar.  

Mætt voru:     Elín Magnúsdóttir formaður (var við upphaf fundar), Gunnar Sigurjónsson varaformaður, Anna María Ríkharðsdóttir, Sigríður Kristinsdóttir, Torfi Friðfinnsson, Gísli Vilhjálmsson, Sædís Guðmundsdóttir, Snæfríður Svavarsdóttir, Maríanna Jónsdóttir, Íris Heiður Jóhannsdóttir,  Haukur Þorvaldsson og Stefán Ólafsson.          

Í upphafi fundar tók Elín Magnúsdóttir formaður skólanefndar til máls og sagði eftirfarandi: „Eins og flestum ykkar er kunnugt þá hef ég hafið störf á leikskólanum Lönguhólum eða frá og með síðustu áramótum. Samkvæmt sveitarstjórnarlögunum þá er ég vanhæf til að sitja áfram í nefndinni og ber mér þess vegna að víkja sem ég mun gera frá og með þessari stundu. Ég vil þakka ykkur ágæta nefndarfólk fyrir gott samstarf og góð kynni á þessu kjörtímabili. Sömuleiðis vil ég þakka Stefáni Ólafssyni fyrir gott samstarf.“ Fundarmenn þökkuðu Elínu fyrir gott samstarf.

Samþykkt var að bæta inn á dagskrána afgreiðslu styrkja vegna foreldrastarfs í skólum fyrir árið 2009 (9. liður).

Gengið var til dagskrár og eftirfarandi tekið fyrir:

1.      Fundargerð 120. fundar

Engar athugasemdir gerðar.

2.      Sumarlokun leikskóla

Undir þessum lið var einnig farið yfir könnun sem gerð var meðal foreldra leikskólabarna í upphafi árs 2009. Meirihluti skólanefndar, 4 fulltrúar af 5, samþykkir að áfram verði óbreytt fyrirkomulag á lokun leikskólanna, 4 vikur samfellt, báðir á sama tíma, þ.e. júlí – ágúst. Sigríður lagði til að 1 – 2 vikna skörun verði á  þessum fjögurra vikna lokunartíma skólanna. Benti hún á að sumarlokun leikskóla skipti vinnustaði einnig máli, ekki einungis suma foreldra.

3.      Framkvæmdir við Lönguhóla

Stefán gerði grein fyrir fyrirhuguðum framkvæmdum og stöðu mála. Umræður urðu töluverðar um framkvæmdirnar og þá fjárhæð sem til hennar er ætluð. Rætt var um framkvæmdatíma, hversu langur hann yrði, fyrirkomulag, grundun húss, kostnað o.fl.

4.      Dagur leikskólans

Dagur leikskólans er 6. febrúar sem í ár ber upp á laugardag. Þessi dagur er samstarfsverkefni Félags leikskólakennara, mennta- og menningarmálaráðuneytis, Sambands íslenskra sveitarfélaga og Heimilis og skóla. Tilgangurinn með þessum degi er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfið út á við. Hugmyndir eru uppi hjá leikskólunum í sveitarfélaginu að bjóða til sín eldri borgurum þennan dag, þ.e. föstudaginn 5. febrúar. Skólanefnd árnar leikskólakennurum heilla á 60 ára afmæli Félags íslenskra leikskólakennara.

5.      Hagræðingaraðgerðir í skóla- og fræðslumálum – skýrsla Sambands íslenskra sveitarfélaga

Farið yfir skýrsluna og hún rædd. Ljóst er af skýrslunni að sveitarfélög í landinu bæði hafa farið út verulegar aðgerðir til hagræðingar í skólamálum og/eða hyggja á frekari hagræðingu. Þegar horft er til leikskóla eru eftirfarandi aðgerðir algengastar: Dregið úr búnaðarkaupum, dregið úr yfirvinnu, dregið úr vöru- og þjónustukaupum, hagrætt í fyrirkomulagi starfsmannafunda, dregið úr kostnaði við endur- og símenntun hagrætt í mötuneyti /fæðiskostnaður. Í grunnskólum: Dregið úr yfirvinnu, Dregið úr forfallakennslu, Dregið úr kostnaði við prentun – ljósritun – pappír, dregið úr búnaðarkaupum, dregið úr vöru- og þjónustukaupum, dregið úr kostnaði vegna vettvangsferða, samkennsla aukin. Fræðslumál almennt: Dregið úr yfirvinnu, dregið úr ferðakostnaði starfsmanna, lækkun á fjárveitingum til tónlistarskóla, fundum fræðslunefndar fækkað. Töluverðar umræður urðu um hagræðingar í skólum sveitarfélagsins, hvað væri nauðsynlegt, hvað hafi verið gert og hvert væri stefnt.

(Haukur kom inn á fundinn.)

6.      Aðsent bréf, Snorri Snorrason og Heiða Dís Einarsdóttir, reglur í sundlaug Hafnar

Í bréfinu er óskað eftir að útivistarreglum barna og aðgengi að Sundlaug Hafnar verði ekki blandað saman þannig að börn 12 ára og yngri geti sótt sundlaugina eftir kl. 19 en verði ekki meinaður aðgangur á þeim tíma eins og nú er gert. Skólanefnd sammála um að reglur sem meinuðu börnum 12 ára og yngri aðgang að sundlaug verði þegar felldar úr gildi. Jafnframt leggur skólanefnd áherslu á að engar reglur sem viðkoma íþróttamannvirkjum verði settar án þess að skólanefnd hafi fjallað um þær.        

7.      Samræmd könnunarpróf í 4., 7. og 10. bekk haustið 2010

Samræmd könnunarpróf verða á eftirtöldum dögum árið 2010:

10. bekkur

Íslenska           mánudagur                 20. september

Enska              þriðjudagur                 21. september

Stærðfræði      miðvikudagur             22. september

4. – 7. bekkur

Íslenska           fimmtudagur              23. september

Stærðfræði      föstudagur                  24. september

(Snæfríður og Sædís viku af fundi.)

8.      Úthlutun styrkja árið 2010

Farið yfir styrkumsóknir til íþrótta- og æskulýðsmála. Samþykkt að styrkupphæðir verði með eftirfarandi hætti fyrir árið 2010:

Sindri, til almenns rekstrar:                                                         2.400.000.-

Sindri, framlag til þróunar íþrótta og æskulýðsstarfs:                      5.000.000.-

Sindri, reiknuð húsaleiga í íþróttahúsi á Höfn:                                3.540.000.-

Sindri, leikjanámskeið:                                                                  750.000.-

Sunddeild Sindra, reiknuð leiga á sundlaug:                                    150.000.-

Umf. Máni, íþróttastarfsemi:                                                           200.000.-

Umf. Máni, reiknuð leiga í Mánagarði:                                             150.000.-

Golfklúbbur Hornafjarðar, framkvæmdasamningur:                         3.040.000.-

Golfklúbbur Hornafjarðar, barna- og unglingastarf:                            260.000.-

Hestamannafélagið Hornfirðingur, barna- og unglingastarf:                260.000.-

Samtals:         15.750.000.-

Umf. Sindri sækir um kr. 800.000.- til áhalda- og tækjakaupa. Umsókn hafnað.  

Styrkur til framkvæmda á vegum Hestamannafélagsins Hornfirðings er ekki tekinn til afgreiðslu undir þessum lið, er til meðferðar í bæjarráði.

Skólanefnd lítur svo á að sú upphæð sem veitt er til styrkja sé fyrst og fremst til kynningar. Úthlutun hafi nánast öll farið fram á grundvelli samninga sem gerðir hafa verið við umrædd félög.

(Haukur vék af fundi)

9.      Úthlutun styrkja til foreldrastarfs vegna ársins 2009

Samþykkt samhljóða að skipta þeim 300.000.- kr. sem eru á fjárhagsáætlun ársins 2009 og ætluð til foreldrastarfs með eftirfarandi hætti: Foreldrafélag Grunnskóla Hornafjarðar 189.200. og foreldrafélagið Krakkahólar kr. 60.800., skipt eftir fjölda nemenda. Til foreldrastarfs við Grunnskólann í Hofgarði kr. 25.000. og til foreldrastarfs við Tónskóla A-Skaft. kr. 25.000., ekki skipt eftir nemendafjölda.

10.  Önnur mál

Torfi gerði athugasemd við auglýsingu um starf í sundlaug þar sem kveðið er á um að launakjör byggi á samningum Launanefndar sveitarfélaga og eins ákveðins stéttarfélags.

Fundi slitið kl. 19:10