Fundargerð skólanefndar 113

113. fundur

Mætt voru:     Elín Magnúsdóttir formaður, Anna María Ríkharðsdóttir, Bryndís Hólmarsdóttir, Torfi Friðfinnsson, Þorvaldur J. Viktorsson, Sædís Guðmundsdóttir,   Margrét Ingólfsdóttir, Sigurður Páll Árnason og Stefán Ólafsson.         

Gengið var til dagskrár og eftirfarandi tekið fyrir:

  1.      Fundargerð 112. fundar

Engar athugasemdir gerðar.

 2.      Endurskoðun á skólastefnu

Formaður skólanefndar lagði fram eftirfarandi tillögu að bókun:

Í skólastefnu sveitarfélagsins, bls. 3, segir: „Skólastefna sveitarfélagsins nær til leikskóla, grunnskóla og tónlistarskóla og skal vera í sífelldri endurskoðun.“

Stefnan var samþykkt í bæjarstjórn 3. janúar 2007 og er því liðlega tveggja ára gömul. Frá þeim tíma sem stefnan var samþykkt hafa verið sett ný lög um leik- og grunnskóla (maí 2008). Til viðbótar við breytt lög stendur yfir veruleg breyting á starfsemi Grunnskóla Hornafjarðar. Á þeim tveimur árum sem liðin eru frá samþykkt skólastefnunnar er og komin nokkur reynsla á hana og um leið bæði kostir og gallar.

Í ljósi framangreinds telur skólanefnd rétt að kalla eftir ábendingum og athugasemdum við skólastefnuna frá skólum sveitarfélagsins og foreldrasamfélaginu. Stefnt er að því að endurskoðun verði lokið fyrir byrjun nýs skólaárs 2009 - 2010.  

Farið yfir stefnuna, bent á ýmis atriði sem mætti lagfæra og rædd sú vinna sem framundan er við stefnuna.

Tillaga Elínar að bókun um endurskoðun á skólastefnu borin undir atkvæði og samþykkt samhljóða. 

 3.      „Brúum bilið“ – samstarf leik- og grunnskóla á Hornafirði

Farið yfir greinargerð starfsmanna leik- og grunnskóla  þar sem settar eru fram hugmyndir og tillögur að samstarfi skólastiganna og hvernig því skuli háttað. Í greinargerðinni segir m.a.:

„Í 6. grein laga um grunnskóla (2008) er ákvæði um að skólanefnd eigi að stuðla að tengslum og samstarfi leikskóla og grunnskóla.

Í Aðalnámskrá grunnskóla 1999, almennum hluta, er fjallað um tengsl leikskóla og grunnskóla.  Þar stendur meðal annars:  Tengsl og samstarf milli leikskólakennara, sem hafa umsjón með elstu börnum í leikskóla, og grunnskólakennara, sem taka við þeim í fyrsta bekk grunnskóla er mikilvægt.

Það er hagur barnanna að kennarar á báðum þessum skólastigum séu kunnugir viðfangsefnum, starfsháttum og vinnuskipulagi hverra annarra.  Því betri samfella sem er á milli skólastiganna, því meiri líkur eru á farsælu upphafi grunnskólagöngunnar.“

Rætt um það samstarf sem er á milli skólastiganna. Starfsmenn sem sitja fundinn segja samstarfið ganga vel og voru bjartsýnir á að það muni aukast.

  4.      Tillögur að gjaldskrá sundlaugar og opnunartíma

                                                           Fullorðnir                    Börn

Almennt gjald, stakur miði                350 kr.                        150 kr.

15 miða kort                                       3.300 kr.                     1.500 kr.

Árskort                                               25.000. kr.                  10.150 kr.

Sturtugjald                                         220 kr.                        100

Sundföt og handklæði - leiga                        260 kr.                        260 kr.

Lagt er til að sundlaug verði opin frá kl. 06:45 – 21:00 virka daga og 10:00 – 18:30 um helgar. Tillaga að gjaldskrá sundlaugar frá og með opnun nýrrar laugar og tillaga að opnunartíma samþykkt samhljóða. (Sigurður Páll vék af fundi eftir þennan lið.)

 5.      Tilkynning um dagsetningu samræmdra könnunarprófa í 4., 7. og 10. bekk haustið 2009

10. bekkur

Íslenska                      mánudagur                 14. september             kl. 9:00 – 12:00

Enska                          þriðjudagur                 15. september             kl. 9:00 – 12:00

Stærðfræði                 miðvikudagur             16. september             kl. 9:00 – 12:00

4. og 7. bekkur

Íslenska                      fimmtudagur              17. september             kl. 9:00 – 12:00

Stærðfræði                 föstudagur                  18. september             kl. 9:00 – 12:00

 6.      Önnur mál

·         Greint frá niðurstöðu útboðs á skólamáltíðum fyrir grunnskólanemendur og starfsfólk.

·         Elín lagði til að tómstundakortin verði kynnt með áberandi hætti á heimasíða sveitarfélagsins þar sem kæmu fram helstu upplýsingar um kortin. Beint til starfsmanns að sjá um þetta mál.

·         Elín leggur til að í upphafi hvers skólaárs kynni Sindri og önnur félög og stofnanir sem eru með barna- og unglingastarf í grunnskólanum framboð á íþróttum og tómstundum á þeirra vegum. Með þessu móti verði reynt að ná til allra grunnskólanema, bæði þeirra sem fæddir eru á Íslandi og þeirra sem hingað hafa flust. Beint til starfsmanna sviðsins og framkvstj. Sindra að fylgja þessu máli eftir

·         Elín ræddi um sumarlokun leikskólanna og það hlutverk skólanefndar að taka málið upp aftur með það að leiðarljósi að fyrir jólafrí 2009 liggi fyrir tillaga um sumarlokun. Elín lagði áherslu á samráð við foreldra leikskólabarna, leikskólastjóra og annarra starfsmanna leikskólanna.

Fundi slitið kl. 18:30