Fundargerð skólanefndar 95

95. fundur

Mætt voru:     Guðrún Jónsdóttir formaður, Anna María Ríkharðsdóttir, Gunnar Sigurjónsson, Ingibjörg Ævarr Steinsdóttir, Sigríður Kristinsdóttir, Margrét Ingólfsdóttir, Snæfríður Svavarsdóttir, Guðmundur Ingi Sigbjörnsson og Stefán Ólafsson.       

Gengið var til dagskrár og eftirfarandi tekið fyrir:

 1. Fundargerð 94. fundar

Engar athugasemdir gerðar.

 2. Skólaakstur

Farið yfir útsend gögn, skipulag á skólaakstri 2007 ? 2008. Engar efnislegar athugasemdir gerðar en ýmsum spurningum svarað. 

 3. Þjónustukönnun Capacent

Farið yfir samantekt á þeim þáttum könnunarinnar sem snúa að skólum sveitarfélagsins og önnur útsend gögn. Helstu atriði sem varða leik-, grunn- og tónlistarskóla:

a) Framboð á leikskólaplássum

Ánægðir                      Hvorki né                    Óánægðir

77,3%                          19.6%                          3,1%

b) Uppvaxtarskilyrði fyrir börn í sveitarfélaginu

Ánægðir                       Hvorki né                     Óánægðir

87,9%                          9,5%                            2,6%

c) Samstarf skóla og íþróttahreyfingar í sveitarfélaginu

Ánægðir                      Hvorki né                    Óánægðir

49,4%                          34.8%                          15,8%

d) Ánægja með leikskólastarfið

Ánægðir                       Hvorki né                     Óánægðir

75,4%                          21,1%                          3,5%

e) Ánægja með grunnskólastarfið

Ánægðir                      Hvorki né                    Óánægðir

70,7%                          19,3%                          9,9%

f) Ánægja með lengdu viðveruna

Ánægðir                       Hvorki né                     Óánægðir

53,4%                          40,9%                          5,7%

g) Ánægja með tónlistarskólann

Ánægðir                      Hvorki né                    Óánægðir

78,1%                          18,4%                          3,5%

Rætt um niðurstöður einstakra þátta könnunarinnar, svo sem afstöðu til lengdrar viðveru og samstarf skóla og íþróttahreyfingar þar sem nefndarmenn spurðu gagnrýnna spurninga. M.a. var rætt um æfingaáætlanir íþróttafélaga sem liggja oft seint fyrir að mati fundarmanna. Sá þáttur hefur áhrif á marga þætti í starfi barna að formlegu skólastarfi loknu. Niðurstaða fundarmanna var að á þessu sviði þurfi að stórbæta samstarf skóla og íþróttafélaga. Skólanefnd er því sammála að skólarnir greini spurningar og svör sem snúa að skólunum sem verði hluti af þeirri vinnu sem fylgir þjónustukönnuninni.  Könnunin verði til umfjöllunar aftur á næsta fundi nefndarinnar þegar skólarnir hafa skilað sinni greiningu.

 4. Kynningarfundur skólanefndar

Samþykkt að skólanefnd haldi kynningarfund þann 4. september næstkomandi.

 5. Starfsmannamál í skólunum

Skólastjórar leik- og grunnskóla fóru yfir starfsmannamálin. Fullmannað er við Lönguhóla. Í Krakkakoti hættu 25 nemendur (fara í 1. bekk grunnskóla) og ekki hefur komið sami fjöldi til baka. Fullmannað er við skólann eins og er. Í hvorum leikskóla eru starfandi þrír menntaðir leikskólakennarar. Í Grunnskóla Hornafjarðar er fullmannað. Um 33% kennara við skólann eru án fullra kennsluréttinda. Bekkjardeildir hafa verið sameinaðar og stuðningur (stuðningsfulltrúar) verið aukinn inn í bekk á móti. 1. , 4. og 6. bekkur verða ein bekkjardeild hver á komandi skólaári. Samfara þessu er verið að skipuleggja sérkennslu frá grunni sagði Guðmundur. Sigríður gerði að umtalsefni skólahúsnæði, hvernig menn hafi hugsað sér nýtingu á því og hvort einhver vinna sé þar í gangi. Guðmundur sagði það ekki vera sem stendur hjá stjórnendum grunnskólans þó að henni þurfi að hyggja. Sigríður sagðist vilja sjá þá vinnu fara  í gang. (Margrét og Snæfríður viku af fundi)

 6. Félagslíf nemenda á grunnskólaaldri

Farið yfir bréf skólastjórnenda, dags. 15. júní 2007. Í bréfinu koma m.a. fram tillögur að breytingum á starfsemi félagsmiðstöðvarinnar Þrykkjunnar. Þá er lagt til ?að aðskilja rekstur félagslífs grunnskólans og Þrykkjunnar eða sameina það algerlega og þá undir stjórn grunnskólans.? Guðmundur lagði áherslu á þann vilja skólastjórnenda að félagslíf nemenda verði á ábyrgð grunnskólans. Það verði ótvírætt ávinningur fyrir bæði skólann og nemendur hans. Rætt var um húsnæðið og aðstöðuna í Sindrabæ sem þurfi að bæta. Fram kom að bæjarráð hafi lagt til að skipaður verði starfshópur sem fari yfir félagslíf nemenda grunnskólanna. Skapaðist nokkur umræða um skipan hans, hvaðan fulltrúarnir komi o. fl.    

 7. Gjaldskrá lengdrar viðveru

Farið yfir útsend gögn sem voru rekstrakostnaður lengdrar viðveru og útfærsla á mismunandi skólagjöldum. Skólanefnd leggur til gjaldskráin lækki um 20% frá núgildandi gjaldskrá en jafnframt að lægsta gjald (10 tímar á mán.) verði 2200 krónur og hæsta gjald (70 klst.) verði kr. 11.000. Jafnframt lagt til að systkinaafsláttur gildi einnig á milli leik- og grunnskóla (lengdrar viðveru) þannig að eigi grunnskólanemandi systkini í leikskóla náist afsláttur fyrir grunnskólanemann.  

 8. Mötuneyti grunnskóla  gjaldskrár

Greint frá samþykkt bæjarráðs um að gjald fyrir mötuneyti 1. ? 3. bekkjar Grunnskóla Hornafjarðar verði 259 krónur á máltíð, en taki breytingum í samræmi við önnur mötuneytisgjöld í skólum ef þær verða einhverjar um áramót og að gjald fyrir hverja máltíð í 4. ? 10. bekk verði kr. 300.

 9. Ósk um breytingar á skóladagatali

Skólanefnd samþykkir að foreldradagur og starfsdagur í Grunnskóla Hornafjarðar sem vera áttu í október færist til 8. og 9 nóvember.

 10. Önnur mál

• Greint frá því að skólastefnan kemur úr prentun á næstu dögum.

Fundi slitið kl. 18:40