Fundargerð skólanefndar 74

74. fundur

Skólanefnd Hornafjarðar 74. fundur

Fundur haldinn í ráðhúsinu, miðvikudaginn 24. ágúst 2005 kl. 16:10

Mætt voru: Sigríður Kristinsdóttir, Elín Magnúsdóttir, Valdís Kjartansdóttir, Bryndís Hólmarsdóttir, Eygló Illugadóttir, Garðar Héðinsson, Guðmundur Ingi Sigbjörnsson, Ragnheiður Jóhannsdóttir, Stefán Ólafsson.

Gengið var til dagskrár og eftirfarandi tekið fyrir:

1. Fundargerðir 73. fundar

Engar athugasemdir gerðar.

2. Kynning á sérfræðiþjónustu á vegum skólaskrifstofu

Ragnheiður og Stefán gerðu grein fyrir störfum og þjónustu starfsmanna skólaskrifstofu, sálfræðinga, talmeinafræðings, einhverfuráðgjafa o.fl. sem koma að þjónustu við börn og starfsmenn í leik- og grunnskólum sveitarfélagsins. Rætt var m.a. um þjónustustigið og hvernig það sé í samanburði við önnur sveitarfélög.

3. Mötuneytismál

Stefán gerði grein fyrir samningum við Kaffihornið og breytingum á starfsmannahaldi við mötuneyti Nesjaskóla og í Hrollaugsstaðaskóla. Afhentar voru tillögur mötuneytisnefndar, dagsettar 22. júní 2005, og þær ræddar.

4. Ósk Heppuskóla um aukið starfshlutfall stuðningsfulltrúa

Málið fékk eftirfarandi afgreiðslu í bæjarráði: ?Bréf vegna 50% starfs stuðningsfulltrúa. Bæjarráð samþykkir, en óskar eftir því að málið fái umfjöllun í skólanefnd.? Guðmundur fór yfir rökstuðning fyrir þessari ósk skólans. Greindi meðal annars frá starfi starfsdeildar sl. skólaár og áætlanir um starfsemi þar á þessu skólaári. Greindi hann m.a. frá fjölda nemenda sem hafa verið greindir með leshömlun. Skólanefnd tekur undir óskir skólans um að þörf sé á þessari aukningu.

5. Staða í kennararáðningum í upphafi nýs skólaárs

Fullmannað er í allar stöður. Staða í réttinda- og menntunarmálum kennara og leiðbeinenda er með eftirfarandi hætti: 75% þeirra sem kenna við grunnskóla sveitarfélagsins eru með full kennsluréttindi, 9,1% hafa lokið skilgreindu háskólanámi en eru án kennsluréttinda, 4,5% eru með eitthvert háskólanám að baki og/eða eru í kennsluréttindanámi og 11,4% eru með nám á framhaldsskólastigi. Umsjónarkennarar skiptast þannig að 19 eru með kennsluréttindi og 3 eru leiðbeinendur. Fram kom ánægja með batnandi stöðu í réttinda- og menntunarmálum þeirra sem sinna kennslu.

6. Önnur mál

· Kynnt skýrsla menntamálaráðuneytisins ? íþróttakennsla í grunnskólum 2003 ? 2004 Fram kemur í skýrslunni m.a. að nemendur eigi að fá 34 stundir yfir veturinn í sundkennslu og 68 stundir í skólaíþróttum. Þar sem sund er kennt í námskeiðsformi er lágmarkið 20 stundir. Að öðru leyti er gerð grein fyrir hver staðan er í skólum landsins en ekki gerð grein fyrir stöðu einstakra skóla. (Skýrsluna má finna á heimasíðu menntamálaráðuneytisins, www.menntamalaraduneyti.is)

· Kynnt skipurit Heppuskóla. Rætt m.a. um ábyrgð og skyldur skólastjórnenda og kennara. Einnig rætt um ábyrgð á mannaráðningum og aðkomu skólanefndar að ráðningu kennara við skólana.

· Afhent skóladagatal allra grunnskólanna. · Evrópskur tungumáladagur. Fram kemur í meðfylgjandi bæklingi að Evrópuráðið hafi gert 26. september að árlegum evrópskum tungumáladegi. (Bæklinginn má finna á heimasíðu menntamálaráðuneytisins, www.menntamalaraduneyti.is)

· Gerð grein fyrir skipulagi á skólaakstri skólaárið 2005 ? 2006 og afhent gögn þar að lútandi.

· Rætt um fjölda nemenda á unglingastigi með búsetu í Öræfum. Fram kom í þessari umræðu að nemendur á heimavist eru 4, þar af 3 úr Öræfum.

· Guðmundur ræddi þá jákvæðu breytingu sem orðið hefur á Heppuskóla og nágrenni hans. Var undir þessi orð hans tekið. Fundi slitið kl. 17:55