Gamla - Menningarmálanefnd
Fundargerð menningarmálanefndar 101
101. fundur
Fundur haldinn í menningarmálanefnd miðvikudaginn 14. maí 2008 í Nýheimum kl. 16:00. Mættir voru: Hermann Hansson formaður, Guðlaug Hestnes, Gauti Árnason, Guðrún Ingimundardóttir og Ingvar Þórðarson. Einnig: Björg Erlingsdóttir
- Fundargerð síðasta fundar
Engar athugasemdir
- Myndbandasafn Heimis Þórs
Björg segir frá viðræðum við Heimi Þór og áhuga á að færa efni hans yfir á stafrænt form. Menningarmálanefnd fagnar því að sveitarfélaginu sé gefinn kostur á að fá þetta merka safn til varðveislu. Menningarmálanefnd hvetur til þess að formlegur samningur verði gerður og tekið við gjöf hans á sömu forsendum og aðrar gjafir.
- Þjónustuhúsnæði – staða mála
Bæjarráð hefur falið bæjarstjóra að ganga til viðræðna við eiganda Álaleiru 1.
- Hafnarvík-Heppa
Björg segir frá gangi mála, næstu skref er að stofnaður verður stýrihópur, tilnefndur af bæjarráði. Rætt um framtíðar starfsemi í Miklagarði. Rústin verður máluð af nemendum Hafnarskóla. Menningarmálanefnd leggur til að steypta húsið vestanvið Miklagarð fái nafnið Glaðværð og vísar í þessu sambandi til þess heitis sem hluti þessa enda Miklagarðs bar áður.
- Ráðning tómstundarfulltrúa
Umsóknarfrestur er 15. maí. Forstöðumaður Menningarmiðstöðvar og yfirmaður fræðslusviðs taka viðtöl við umsækjendur þegar þar að kemur.
- Þórbergssetur– nýr samningur
Menningarmálanefnd leggur áherslu á að samningur við Þórbergssetur gildi á meðan núvernadi samningur við Menningarráð Austurlands er í gildi. Vinnuframlag Menningarmiðstöðvar miðar að samstarfi á sviði bókmennta, málþingum og viðburðum. Björgu falið að vinna áfram að málinu á grundvelli þeirra samningsdraga sem lögð voru fram.
- Akurey
Huga þarf að umhverfi skipsins. Menningarmálanefnd leggur áherslu á að gengið verður frá umhverfi skipsins fyrir sumarið og sjóður sem fylgdi skipinu nýttur til þess.
- Fundarhúsið í Lóni
Sagt frá tilboði Karlakórsins Jökuls vegna girðingarvinnu við fundarhúsið. Tilboðið samþykkt.
- Söfn Sverris Scheving Thorsteinsson og Lovísu H. Gunnarsdóttur – uppgjör
Útreikningar samþykktir og reikningur ásamt greinargerð verður sendur.
- Rekstur Pakkhúss
Húsið verður leigt eftir gjaldskrá í sumar. Lögð áhersla á að blómleg starfsemi verði í Pakkhúsinu og það þjóni sem menningarhús. Bókun frá Guðrúnu: Unnið verði að því að aðgengi að húsinu verði lagað.
- Útilistaverk í umsjá Menningarmiðstöðvar
Björgu falið að vinna heildarskráningu yfir útilistaverk í umsjá Menningarmiðstöðvar, ástand þeirra og viðgerðir.
- Rekstur janúar til apríl
Ítrekað að gerð verði grein fyrir þeim verkefnum sem skapa sér útgjöld og sér tekjur, í uppgjöri.
- Sumardagskrá
Sumarstarf barna verður í sumar. Sýning í Glaðværð og gönguferðir. Fyrirhuguð sýning á verkum hornfirskra málara.
- Svavar Guðnason - Nesútgáfan
Nesútgáfan sagði sig frá útgáfu fyrirhugaðrar bókar um Svavar Guðnason. Listasafn Íslands undirbýr sýningu á verkum hans haustið 2009. Menningarmálanefnd lýsir yfir miklum vonbrigðum að efndir hafi ekki orðið á samningnum við Nesútgáfuna. Björgu falið, í samráði við bæjarstjóra og Karl Ómar að tryggð verði útgáfa á bók um lífsferil Svavars.
- Önnur mál
Upplestur úr Skaftfellingi, Sótt fram og fleiri ritum er í undirbúningi. Upplesturinn verður tekinn upp og lánaður út sem hljóðbækur á Bókasafni.
Breytingar á skipun nefnda sveitarfélagsins
Þetta er síðasti fundur menningarmálanefndar þar sem ný nefnd verður skipuð eftir sameiningu nefnda sveitarfélagsins. Við þessi tímamót vilja nefndarmenn þakka fyrir samstarfið og óska nýrri Menningar- og tómstundanefnd alls góðs.
Fleira ekki gert
Fundi slitið kl. 18:40
