Gamla - Menningarmálanefnd
Fundargerð menningarmálanefndar 100
100. fundur
Fundur haldinn í menningarmálanefnd miðvikudaginn 16. apríl 2008 í Nýheimum kl. 16:00. Mættir voru: Hermann Hansson formaður, Guðlaug Hestnes, Gauti Árnason, Guðrún Ingimundardóttir og Ingvar Þórðarson. Signý Ormarsdóttir kom á fundinn. 100 fundur menningarmálanefndar og í tilefni dagsins boðið uppá veitingar.
Einnig: Björg Erlingsdóttir
- Fundargerð síðasta fundar
Engar athugasemdir gerðar.
- Samningur Sveitarfélagsins og Menningarmiðstöðvar við Menningarráð Austurlands.
Signý Ormarsdóttir mætti á fundinn 16:20. Signý fór yfir samning sveitarfélaga á Austurlandi við Menntamálaráðuneyti og Iðnaðarráðuneyti frá janúar 2008. Fór einnig yfir fyrri samninga milli sveitarfélaga á Austurlandi og ríkis vegna samninga menningarmála og Menningarráðs. Drög að samningi Menningarráðs og Sveitarfélagsins Hornafjarðar rædd. Farið yfir breytingar frá fyrri samningi. Menningarmálanefnd samþykkir samninginn og vísar til bæjarráðs. Farið yfir breytingar á viðauka vegna hlutverks Menningarmiðstöðvar Hornafjarðar. Menningarmálanefnd samþykkir viðaukann. Rætt um mögulegan aðskilnað Sveitarfélagsins Hornafjarðar við sveitarfélög á Austurlandi og áhrif aðskilnaðar á samning sveitarfélagsins og Menningarráðs. Menningarmálanefnd leggur áherslu á, ef sveitarfélagið segir sig úr samtökum sveitarfélaga á Austurlandi, að hagsmunir Menningarmiðstöðvar sem felast í samningi við Menningarráð Austurlands haldi gildi sínu.
- Önnur mál
Economuseum, Björg segir frá ferð til Kanada þar sem hún kynnti sér aðferðir og hugmyndir varðandi Economuseum eða Hagleikssmiðjur.
Gagnasafni frá Glámu-Kím og Gísla Sverri Árnasyni dreift. Fundur 29. apríl um framtíð Hafnarvík-Heppu – verkefnisins. Kynning verður kl. 16:00 fyrir sveitarstjórnarmenn og opinn fundur klukkan 20:00 í Pakkhúsinu.
Fleira ekki gert
Fundi slitið kl. 18:40
