Gamla - Menningarmálanefnd
Fundargerð menningarmálanefndar 99
99. fundur
Fundur haldinn í menningarmálanefnd þriðjudaginn 1. apríl 2008. Fundur hófst á vettvangsferð í Kartöflugeymsluna við Heppuveg kl. 16:00 og var síðan farið í húsnæði Miðóss við Álaleiru. Fundi fram haldið í Nýheimum kl. 16:45.
Mættir voru: Hermann Hansson formaður, Guðlaug Hestnes,Gauti Árnason, Guðrún Ingimundardóttir og Ingvar Þórðarson. Árni Rúnar Þorvaldsson kom á fundinn.
Einnig: Björg Erlingsdóttir
- Fundargerð síðasta fundar
Engar athugasemdir gerðar.
- Tillaga til bæjarráðs um breytingu á æskulýðs- og tómstundamálum. Vísað til Menningarmálanefndar frá Bæjarráði.
Menningarmálanefnd lýsir yfir ánægju og stuðningi við tillöguna. Menningarmálanefnd leggur áherslu á að starfsmaður sem ráðinn verður sinni tómstundastarfi almennt í sveitarfélaginu. Lögð er áhersla á að nægt rekstrarfé fylgi þannig að unnt verði að rækja starfið með sóma.
- Greinargerð vegna þjónustuhúsnæðis Menningarmiðstöðvar
Nefndin, fyrir utan Guðlaugu fór í vettvangsferð í Kartöflugeymslu og í hús Miðós að Álaleiru 1. Menningarmálanefnd leggur til að bæjaryfirvalda leit eftir samningum við eiganda hússins um kaup á Álaleiru 1, með þeim fyrirvara að eignin verði metin styrkhæf af Safnaráði vegna stofnframlags. Tillagan samþykkt samhljóða.
- Samstarf og samskipti Menningarráðs Austurlands og Menningarmiðstöðvar
Árni Þorvaldsson kemur á fundinn kl. 17:00. Fer yfir setu sína í stjórn Menningarráðs Austurlands, undanfara samnings milli sveitarfélaga á Austurlandi og ráðuneyta sem undirritaður var 9. janúar 2008. Árni lýsir yfir vilja til að koma oftar á fund menningarmálanefndar. Árni fer af fundi 17:33. Menningarmálanefnd samþykkir samning um samstarfssamning sveitarfélaga á Austurlandi um menningarmál. Samþykktur með fjórum atkvæðum, einn sat hjá. Björgu falið að afla upplýsinga um viðauka annarra menningarmiðstöðva í samningum við Menningarráð Austurlands. Ákveðið að boða til aukafundar í Menningarmálanefnd þar sem Signý Ormarsdóttir kemur og ræðir við nefndina um nýjan samning, viðauka og verkefni Menningarmiðstöðvar. Björgu falið að undirbúa fund með Signýju, fara yfir drögin og viðaukann. Stefnt er að því að samningur við Þórbergssetur verði afgreiddur á fundi nefndarinnar í maí.
- Samstarfssamningar menningarráða og Menntamálaráðuneytis – gögn afhent á fundinum
Björgu falið að senda fundarmönnum greinargerð um samninga Menntamálaráðuneytis og menningarráða.
- 100 fundur menningarmálanefndar
Björgu falið að undirbúa dagskrá
- Önnur mál
Guðlaug spyr um viðburðadagatal og athuga hvort ekki sé hægt að setja inn á dagatalið alla þá atburði sem eru á dagskrá þann daginn.
Guðrún spyr um spólusafn Útvarpsins og möguleika á samstarfi við Menningarmiðstöð á skráningu þess.
Björg segir frá verkefni á upptökum úr Skaftfellingi og öðru sagnfræðiefni.
Fleira ekki gert
Fundi slitið kl. 19:00
