Fundargerð menningarmálanefndar 86

86. fundur

Mættir voru: Hermann Hansson formaður, Guðrún Ingimundardóttir, Ingvar Þórðarson, Gauti Árnason og Hafdís Roysdóttir með í síma

Einnig: Björg Erlingsdóttir

1.  Fundargerð síðasta fundar.

Undir þessum lið var rætt um bréf Gísla Sverris Árnasonar, varðandi samtök um sögutengda ferðaþjónustu, en bréfið var kynnt á síðasta fundi nefndarinnar. Björg kvaðst hafa kynnt málið fyrir stjórnarmönnum í Ferðamálafélagi A-Skaft og áfram mundi fara fram umræða á þeim vettvangi á næstunni.  Björgu falið að fylgjast með málinu og kynna  nefndinni framvindu þess síðar.

2. Signý Ormarsdóttir, framkvæmdastjóri Menningarráðs Austurlands, boðar forföll og dagskrárliðurinn fellur því niður.

3. Menntamálaráðuneytið dags. 22. des. 2006 vegna fornleifaverndar– Vísað til Menningarmálanefndar frá Bæjarráði

Starfsmönnum Menningarmiðstöðvar falið að leggja fram drög að umsögn. Drögin lögð fyrir Menningarmálanefnd á fundi nefndarinnar 24. janúar.

4. Úthlutun styrkja

Ákveðið að veita eftirfarandi styrki:

Leikfélag Hornafjarðar                                  150 þús.  

Kvennakór Hornafjarðar                              200 þús.  

Karlakórinn Jökull                                        200 þús.  

Samkór Hornafjarðar                                    50 þús.  

Barnakór Hornafjarðar                                  75 þús.  

Magnús J. Magnússon                                 100 þús.  

Leikhópurinn Lopi                                       100 þús.

Lúðrasveit Hornafjarðar                                 50 þús.              

Listvinasjóður Hornafjarðar                         200 þús.

Bútasaumsfélagið ræmurnar                           50 þús.

Harmónikufélagið                                          50 þús.              

Braggabandið                                                50 þús.  

Gleðigjafar                                                    75 þús.

Leikhópurinn Máni                                       150 þús.

                          SAMTALS  Krónur        1.500 þúsund.     

 5. Menningarverðlaun 2006

Tilnefndir voru:

1.Hornfirska skemmtifélagið fyrir metnaðarfullt starf og dagskrárnar; Blúshátíð og

   American Graffiti                                     

2.Gunnlaugur Þröstur Höskuldsson tónlistarkennari fyrir starf að tónlistarmálum

3.Þorbjörg Arnórsdóttir og Fjölnir Torfason fyrir Þórbergssetur

4.Sveinbjörn Imsland fyrir frumkvöðlastarf við miðlun m.a. menningarefnis innan og utan

   sveitarfélagsins

5.Pálína Þorsteinsdóttir skólastjóri fyrir markvissa menningarstarfsemi í skólastarfi

6.Þórbergssetur, fyrir þá uppbyggingu sem varð með samstarfi fjölmargra aðila innan

   og utan sveitarfélagsins.

Eftir ítarlegar umræður í nefndinni var það einróma niðurstaða að veita tveimur aðilum verðlaunin að þessu sinni í samræmi við ákvæði 4. greinar reglna um veitingu Menningarverðlauna Hornafjarðar.

Menningarverðlaun 2006 er  því veitt:

 Þórbergssetur á vart sinn líka Íslandi. Setrið er glæsilegur minnisvarði en um leið miðstöð mikillar menningarstarfsemi þar sem bókmenntir, rannsóknir og ferðamál blandast á áhrifaríkan hátt. Þórbergssetur er vitnisburður um frumherjakraft, faglega nálgun og metnaðarfulla framsetningu. Útkoman er glæsileg og til sóma fyrir þá sem að hafa komið.

Hornfirska Skemmtifélagið er einn af hornsteinum menningarlífs á Hornafirði. Félagar í Skemmtifélaginu hafa af mikilli atorku og metnaði staðið fyrir söngdagskrá og blúshátíð. Starf þeirra hefur verið góð kynning fyrir Hornafjörð og gestir sem sækja viðburði Hornfirska Skemmtifélagsins koma víða að.

7. Önnur mál

Guðrún spyr um framgang mála varðandi Akurey og athugun á ástandi skipsins. Það mál er í vinnslu og nefndinni verður gerð grein fyrir framgangi mála.