Fundargerð Menningamálanefndar 34

34. fundur

Fundur haldinn í menningarmálanefnd í Ráðhúsinu á Höfn, miðvikudaginn 13.febrúar 2002 kl. 16:00.

Mætt voru: Inga Jónsdóttir, Þorbjörg Arnórsdóttir, Heimir Heiðarsson og Sjöfn Óskarsdóttir. Einnig Gísli Sverrir Árnason.



Gengið var til dagskrár og eftirtalið tekið fyrir :



1. Fundargerð síðasta fundar

Engar athugasemdir.



2. Tilnefning til menningarverðlauna

Verðlaunahafi 2002 verður Jóhann Morávek fyrir tónlist við kvikmynd á jöklasýningu og þátt hans í menningarnótt í Reykjavík. Farið var yfir aðrar tilnefningar sem fram komu á síðasta fundi. Þessir fengu tilnefningu auk verðlaunahafans:

· Björn G. Arnarson fyrir óeigingjarnt starf að söfnun og varðveislu muna og fuglarannsóknir.

· Fornleifafélag Öræfa fyrir frumkvæði að fornleifarannsóknum.

· Guðbjartur Össurarson fyrir kveðskap og stuðning við menningarstarf.

· Gunnlaugur Þ. Höskuldsson fyrir áralangt og óeigingjarnt tónlistarstarf á Hornafirði.

· Horn.is fyrir áhugaverðan upplýsingavef.

· Kristín Gestsdóttir fyrir framlag í menningarnótt í Rvík.

· Þorbjörg Arnórsdóttir fyrir kynningu á Þórbergi Þórðarsyni með ratleik og fl..

· Þrykkjan og Haukur H. Þorvaldsson fyrir frumkvæði og fjölþætt starf fyrir ungmenni.



Samþykkt að taka upp umræðu um reglur varðandi menningarverðlaun á næsta fundi.



3. Jöklasýning

Inga fylgdi úr hlaði skýrslu um sýninguna sl. sumar. Gestir voru um 3000 þrátt fyrir að sýningin var opin 752 klst. í stað 1488 klst. árið áður. Margar nýjungar koma fram á sýningunni og sjö fyrirlestrar voru fluttir í tengslum við hana.

Inga varpaði fram hugmynd um að ókeypis yrði inn á sýninguna og söfnin á Höfn og vísaði til góðrar reynslu af því í gestastofu í Skaftafelli.

Rætt var um undirbúning jöklasýningar í sumar og bent á að tryggja þurfi betur fjárhagsgrundvöll hennar, skipuleggja dagskrá og endurbætur, athuga með húsnæði og halda áfram með undirbúning Jöklaseturs á Hornafirði.

Samþykkt að fela Ingu, Gísla Sverri og Ingu Jónu að leggja fram tillögur um jöklasýningu 2002 á næsta fundi.



4. Hafnarvík – Heppa, Mannlíf og minjar

Ekki tókst að halda opinn fund um málið 9. febrúar s.l.. Ákveðið að stefna að fundi

7. mars og bjóða hafnarstjórn að standa að fundinum með menningarmálanefnd.



5. Framkvæmdir í Nýheimum

Gísli Sverrir gerði grein fyrir byggingarframkvæmdum en bókasafn og skjalasafn flytja í Nýheima og sameinast bókasafni FAS síðar á þessu ári. Hann kynnti einnig tillöguteikningar að innréttingum á safnið.



6. Þórbergssetur

Þorbjörg gerði grein fyrir hugmyndum að stofnun Þórbergsseturs að Hala í Suðursveit. Hugmyndirnar komu fram fyrir mörgum árum en hafa tekið á sig formlegri mynd s.l. tvö ár. Gert er ráð fyrir að stofna sjálfseignarstofnun um setrið og leita til ýmissa aðila varðandi stuðning við það. Í safninu verði sýningaraðstaða auk aðstöðu fyrir fræðimenn. Í fundargögnum fylgdi einnig grein um Þórberg sem birtist nýlega á horn.is auk tilboðs frá Galdri ehf. um að gera vefinn thorbergur.is í samvinnu við menningarmálayfirvöld.

Menningarmálanefnd fagnar þessu frumkvæði og hvetur til þess að unnið verði að stofnun setursins sem fyrst. Nefndin hvetur einnig skólana hér að taka þátt í að halda uppi heiðri Þórber hér heima í héraði.



7. Starfið framundar

Eftirtaldir viðburðir eru í undirbúningi eða athugun:

· Kontrabassakvartett (Tröllabassar) með Karlakórnum Jökli í mars.

· Eydís Franzdóttir óbó og Helga Bryndís Magnúsdóttir píanó 24. febrúar.

· Camerartica – sextett með verk eftir Mozart júní.

· Sýning í Pakkhúsinu í maí, Steinunn Helga Sigurðardóttir og HanneGotfeld.

· Rússibanarnir.

· Duo denum – tveir danskir tónslistarmenn.

· Menningarhátíð barna.



8. Önnur mál

Gísli Sverrir minnti á auglýsingu um styrki frá Menningarráði Austurlands.



Fleira ekki tekið fyrir

Heimir Heiðarsson Gísli Sverrir Árnason

Inga Jónsdóttir

Þorbjörg Arnórsdóttir

Sjöfn Óskarsdóttir