Fundargerð Menningamálanefndar 36

36. fundur

Fundur haldinn í menningarmálanefnd í Ráðhúsinu á Höfn, miðvikudaginn 17. april  2002  kl. 16:00.

Mætt voru:  Inga Jónsdóttir, Þorbjörg Arnórsdóttir, Björn Kristjánsson, Sjöfn Óskarsdóttir, Heimir Heiðarsson og  Sigurður Hannesson. Einnig Gísli Sverrir Árnason og Inga Jóna Halldórsdóttir.

Gengið var til dagskrár og eftirtalið tekið fyrir :

1. Fundargerð síðasta fundar

Engar athugasemdir.

2. Menningarráð Austurlands

Signý Ormarsdóttir menningarfulltrúi er gestur fundarins

Signý fór yfir tilurð starfsins og helstu þætti þess. Farið var yfir samþykkti Menningarráðs Austurlands en tilgangur ráðsins er að efla menningarstarf á Austurlandi. Austurlandi er skipt upp í þrjú samstarfssvæði, Norðursvæði, Miðsvæði og Suðursvæði sem er Djúpavogshreppur og Sveitarfélagið Hornafjörður.

3. Jöklasýning og sýning á verkum Svavars Guðnasonar

Gísli Sverrir fór yfir stöðu málsins. Erindið hefur verið kynnt í bæjarráði  sem tók jákvætt undir það. Niðurstaða liggur þó ekki enn fyrir en verið er að skoða málið. Inga Jóna varaði við auknum rekstrarkostnaði og taldi að líta þurfi á hvort hægt sé að skera niður annan rekstrarkostnað á móti eða að leita eftir utanaðkomandi fjármagni til verkefnisins. Menningarmálanefnd lýsir eindregnum áhuga á því að hluti húsnæðis Vöruhúss KASK verði leigt fyrir Jöklasýningu og Svavarssafn.

4. Vika bókarinnar 22. - 28. april

Gísli Sverrir sagði frá Viku bókarinnar en yfirskrift vikunnar er að þessu sinni „Börn og bækur“ Aldarafmæli Halldórs Laxnes 23. april verður einnig fyrirferðamikið í dagskránni.

5. Þórbergssetur á Hala

Þorbjörg sagði frá ferð hennar og Gísla Sverrir til Reykjavíkur þar sem farið var í fjölmargar stofnanir m.a. Heimspekideild Háskóla Íslands, Byggðastofnun, Eddu-miðlun o.fl. til að kynna verkefnið. Þorbjörg sagði að þeim hefði alls staðar verið einstaklega vel tekið og allar fræði- og þjóðmenningarstofnanir auk Eddu og Rithöfundarsambands Íslands hafi óskað eftir að verða samstarfsaðilar að þessu verkefni. Gísli Sverrir sagði að þessum heimsóknum verði fylgt eftir. Hann sagði mikilvægt að við förum að halda nöfnum meistara okkar Þórbergi þórðarsyni og Svavari Guðnasyni á lofti og að kynna verk þeirra á veglegan hátt.

6. Söfn Sverrir Scheving Thorsteinssonar

Gísli Sverrir sagði frá heimsókn til Sverris þar sem hann fræddist um margvísleg söfn sem hann hefur boðið Sveitarfélaginu að taka við. Það er mat Gísla að þessi söfn eigi sér enga hliðstæðu hvað varðar umfang, fjölbreytileika og nákvæma umhirðu og þau myndu á efa vekja mikla athygli ef þeim væri búin góð aðstaða. Gísli sagði að sú úttekt sem nú er verið að gera varðandi mögulegt sýningarhúsnæði í bænum tengist hugsanlegri lausn þessa máls. Menningarmálanefnd lýsir miklum áhuga á að eiga samstarf við Sverri varðandi söfnin hans.

7. Listvinasjóður Hornafjarðar

Inga Jónsdóttir fór yfir stöðu sjóðsins. Tilgangur sjóðsins er að styrkja lista- og menningarlíf á Hornafirði.  Nokkur umræða var um stjórn og umsjá sjóðsins en stefnt er að því að taka ákvörðun um málið á næsta menningarmálafundi.

8. Starfið framundan og í sumar

Myndlistasýningin „að draga andann“ verður í Pakkhúsinu  4. - 20. maí. Bútasýning, sýning á verkum austfirsku meistaranna og fl. verður í Pakkhúsi í sumar. Yfirlitssýning Bjarna Henrikssonar verður sett upp í tengslum við humarhátíð.

9.   Önnur mál

Gísli Sverrir kynnti verkefnið Íslandsleikhús 2001 en það er hópur ungmenna úr vinnuskólum víðs vegar að af landinu sem ferðast á milli sveitarfélaganna og treður upp. Í erindinu er leitað eftir áhuga  Hornfirðinga á að taka þátt í verkefninu. Gísli kynnti einnig ársþing Félags safna og safnamanna sem haldið verður á Höfn 11. - 13. september n.k..

Í fundarlok var farið í skoðunarferð um Vöruhús KASK.

Fleira ekki tekið fyrir,

fundi slitið kl. 18:25