Fundargerð Menningamálanefndar 39

39. fundur

Fundur haldinn í menningarmálanefnd í Ráðhúsinu á Höfn, mánudaginn 19. ágúst 2002  kl. 16:00.

Mætt voru: Hermann Hansson formaður, Guðlaug Hestnes, Ágústína Halldórsdóttir og Þorbjörg Arnórsdóttir. Einnig Gísli Sverrir Árnason og Inga Jóna Halldórsdóttir.

Gengið var til dagskrár og eftirtalið tekið fyrir :

1. Fundargerð síðasta fundar

Engar athugasemdir.

2. Vígsla Nýheima

Farið var yfir drög að dagskrá vígslunnar. Gísli fór yfir þær sýningar sem boðið verður upp á í tengslum við vígsluna.

3. Kaup á flygli

Gísli fór yfir forsendur þess að ráðist var í kaup á flygli í Nýheima, en gengið hefur verið frá kaupum á Estonia flygli að upphæð 3,7 milljónir.  Menningarmálanefnd samþykkir að verja 1 milljón (af 7 milljón kr. framlagi ríkisins til stofnbúnaðar kaupa) til kaupa á  flyglinum. Leitað verður til ýmissa aðila um aðkomu að fjármögnun hljóðfærisins.

4. Flutningur Menningarmiðstöðvar í nýtt húsnæði

Meðfylgjandi er greinargerð forstöðumanns til bæjarráðs dags. 25. júlí 2002

Svar bæjarráðs er að finna í fundargerð þess frá 8. ágúst

Gísli Sverrir fór yfir kostnað við flutning Menningarmiðstöðvar í Nýheima og aukinn rekstrarkostnað í nýju húsnæði.

Gísli fór yfir drög að þjónustusamningi milli FAS og Menningarmiðstöðvar.

Menningarmálanefnd telur eðlilegt að hefja rekstur safnsins í nýju húsnæði með óbreyttan fjölda starfsmanna. Í ljósi fenginnar reynslu verður þörfin síðan endurmetin og skoðuð sérstaklega við fjárhagsáætlunargerð fyrir 2003. Nefndin felur Gísla Sverri að vinna áfram að gerð þjónustusamnings við FAS sem byggist á  fyrirliggjandi drögum og umræðum á fundinum.

5. Opnunartími bókasafns í nýju húsnæði

Tillaga starfsfólks:

Mánudagar-fimmtudagar kl. 09:00-19:00

Föstudagar kl. 11:00-17:00

Laugardagar kl. 13:00-17:00

Menningarmálanefnd samþykkir ofangreindar tillögur að opnunartíma safnsins.

6. Erindisbréf nefndarinnar

Meðfylgjandi er tillaga frá bæjarráði

Menningarmálanefnd samþykkir með smávægilegum leiðréttingum fyrirliggjandi erindisbréf.

7. Farskóli safnmanna

Gísli Sverrir sagði frá Farskólanum og fór yfir dagskrá ráðstefnu á vegum hans sem haldin verður á Höfn 11 - 13. september n.k. Menningarmálanefnd er sammmála um að dagskrá ráðstefnunnar sé mjög áhugaverð og samþykkir að veita framlag kr. 30.000 til að bjóða ráðstefnugestum veitingar að kvöldi fyrsta ráðstefnudagsins.

8. Vinabær á Grænlandi?

Menningarmálanefnd leggur til að fulltrúum frá Sisimiut verði boðið til Hornafjarðar þegar þeir sækja Ísland heim 3 - 6. september n.k. og þá verði farið yfir hvort og þá hvernig vinabæjarsamskiptunum verði háttað.

9. Önnur mál

Þorbjörg spurði um aðsókn að Jöklasýningu. Gísli Sverrir sagði aðsóknina viðunandi en að átak þurfi að gera í markaðsmálum. Þorbjörg spurði einnig um hvað liði þjóðgarðsstofnun. Hermann sagði síðasta fund Vatnajökulsnefndarinnar hafa verið í síðustu viku hér á Höfn en lokaskýrsla nefndarinnar liggi ekki fyrir.

Menningarmálanefnd fagnar því framtaki sem Camp - Hornafjörður er en harmar það virðingarleysi sem fáeinir einstaklingar hafa sýnt aðstandendum hennar með skemmdarfíkn sinni.

Í lok fundarins er gert ráð fyrir að skoða hið nýja húsnæði í Nýheimum.

Fleira ekki tekið fyrir, fundi slitið kl. 18:10