Fundargerð menningarmálanefndar 70

70. fundur

Fundur haldin í menningarmálanefnd miðvikudaginn 14. september 2005 kl. 16.00 í fundarsal Nýheima.

Mætt voru: Hermann Hansson, Bryndís Hólmarsdóttir, Ágústína Halldórsdóttir, Guðlaug Hestnes og Ari G. Hannesson. Einnig: Hjalti Þór Vignisson. Gengið var til dagskrár og eftirfarandi tekið fyrir:

1. Fundargerð síðasta fundar

Lögð fram fundargerð frá 25. maí til kynningar. Guðlaug áréttaði mikilvægi þess að farið yrði út í kynningu á svæðinu og tengsl við fjölmiðla á Austurlandi og á landsvísu eflt.

2. Dagbók vetrarins 2005-2006 Hjalti fór yfir skipulag vetrarins.

3. Aðsóknartölur safna

Kom fram að aðsókn að Jöklasýningu hafi verið góð. Alls komu 6426 gestir á sýninguna í sumar samanborið við 4432 gesti allt árið í fyrra. Aðsókn í Gömlubúð hefur einnig verið ágæt. Sumarið fór vel af stað og aðsókn í sumar var töluvert betri en í fyrra. Fyrstu átta mánuði ársins hafa komið 3473 gestir í Gömlubúð samanborið við 3222 allt árið í fyrra.

4. Erindisbréf menningarmálanefndar

Lagt fram erindisbréf menningarmálanefndar frá 2002. Umræður sköpuðust um hlutverk nefndarinnar.

Rætt var t.d. um það hlutverk sem nefndin hefur gagnvart vinabæjum erlendis og þeirri spurningu varpað upp hvort þetta ætti ekki frekar að heyra beint undir bæjarráð.

Einnig var rætt um minnisvarða í sveitarfélaginu og mikilvægi þess að hirða minnisvarðana sjálfa og svæðin í kringum þá. Þá skapaðist umræða um hlutverk menningarmálanefndar varðandi umsjón með Jöklasýningu.

Menningarmálanefnd lýtur á að hlutverk nefndarinnar varðandi Jöklasýningu sé lokið þegar sjálfseignarstofnun hefur verið komið á fót.

5. Staða fjármála

Gerð var grein fyrir stöðu fjármála þann 9. september 2005. Kom fram að búið er að bóka suma kostnaðarliði þannig að þeir sýna 9 mánaða stöðu, t.d. reiknaða húsaleigu miðað við reglu. Rauntölur eru í samræmi við áætlun.

6. Uppgjör vegna Jöklasýningar

Lagt fram uppgjör vegna Jöklasýningar og yfirliti yfir fjármögnun hennar. Kom fram að framkvæmdirnar hafi kostað 44 m.kr. Upphafleg áætlun gerði ráð fyrir 60 m.kr. og þar af var ráðgert að leggja umtalsverða fjárhæð í markaðssetningu. Varðandi markaðssetningu að þá hefur verið óskað eftir samstarfi við Atvinnuþróunarsjóð Austurlands um gerð markaðsáætlunar fyrir Jöklasýningu. Einnig hefur verið rætt við Ferðamálafélagið um samstarf í þeim efnum. Báðir þessir aðilar eru jákvæðir.

7. Stefnumótun í menningarmálum

Lögð fram drög að stefnumótun. Stefnt að því að hafa vinnufund um þetta efni um mánaðarmótin október nóvember. Á þeim fundi er æskilegt að varamenn nefndarinnar, starfsmenn menningarmiðstöðvar, bæjarráð og bæjarstjóri mæti.

8. Upplýsingamiðstöð

Frá því í mars eru skráðar heimsóknir 4258. Þetta er lágmarkstala því ekki gefst alltaf tími til að skrá heimsóknirnar þegar mesta önnin er. Auk heimsóknanna sjálfra eru ótal fyrirspurnir í gegnum síma og tölvupóst. Því má áætla að upplýsingamiðstöðin hafi þjónað að minnsta kosti 6000 ferðamönnum það sem af er árinu.

Upplýsingamiðstöðin var opin í Nýheimum frá kl. 9-19 alla virka daga í sumar. Á kvöldin milli 19 og 22 var Upplýsingamiðstöðin opin á Jöklasýningu og einnig um helgar frá 10-22.

Ákveðið óhagræði hlýst af því að reka upplýsingamiðstöðina á tveimur stöðum bæði fyrir ferðamenn og rekstraraðila. Þess vegna hefur sú hugmynd vaknað að færa upplýsingamiðstöð alfarið á Jöklasýningu . Með því getur Jöklasýning og upplýsingamiðstöð stutt hvor aðra yfir sumartímann. Töluverðar umræður sköpuðust um hugmyndina og nýtingu á handmenntastofu í Vöruhúsi í tengslum við þá hugmynd. Rætt var um möguleika á samstarfi milli þjóðgarðs og Jöklasýningar.

Menningarmálanefnd leggur áherslu að haft verði samráð við Ferðamálafélag Austur-Skaftafellssýslu og grunnskólana í þessu sambandi.

9. Erindi frá bæjarráði

· Áherslur vegna stofnframlaga til menningarmála

Gerð grein fyrir vinnu sem farið hefur fram milli bæjarstjóra á Hornafirði, Fljótsdalshéraði, Fjarðabyggð og Seyðisfirði um stofnframlög til menningarmála.

Menningarmálanefnd leggur til að sveitarfélagið ráðstafi stofnframlögum til menningarmála til uppbyggingar Miklagarðs og tengi það við verkefnið Hafnarvík-Heppa með það að markmiði að skapa aðstöðu fyrir listamenn og/eða handverksfólk.

· Menntamálaráðuneytið,erindi um minjavörslu og menningararf, tölvubréf dags. 26. maí 2005. Til kynningar

10. Önnur mál

Guðlaug ræddi um aðgengi að Fundarhúsi Lónmanna. Þá gerði hún umhirðu lóðar og viðhald hússins að umtalsefni. Hjalti gerði grein fyrir því að hann hafi óskað eftir því við starfsmann Menningarmiðstöðvar að skipt verði um lása að húsinu.

Fleira ekki gert og fundi slitið kl. 18.10