Fundargerð menningarmálanefndar 68

68. fundur

Menningarmálanefnd Hornafjarðar 68. fundur

Fundur haldin í menningarmálanefnd í fundarsal Nýheima miðvikudaginn 11. maí kl. 16.00.

Mætt voru: Hermann Hansson, Bryndís Hólmarsdóttir, Ágústína Halldórsdóttir og Guðlaug Hestnes. Einnig: Hjalti Þór Vignisson. Gengið var til dagskrár og eftirfarandi tekið fyrir:

1. Fundargerð síðasta fundar

Lögð fram fundargerð 67. fundar frá 12. apríl til kynningar.

 2. Stefnumótun í menningarmálum

Lagt fram uppkast til umræðu, dags. 2. maí 2005. Forstöðumaður fylgdi uppkastinu úr hlaði. Töluverðar umræður sköpuðust og fundarmenn voru almennt jákvæðir gagnvart nálguninni. Nefndin felur forstöðumanni að vinna áfram að stefnunni.

 3. Verkefni á vegum Menningarmiðstöðvar

 Lagt fram minnisblað, dags. 4 maí 2005. Rætt var um Gömlubúð, Miklagarð, Akurey, Skjalasafn, bókasafn, Listasafn Austur-Skaftafellssýslu, menningarviðburði, upplýsingamiðstöð og markaðsáætlun. Ýmsar hugmyndir voru ræddar og forstöðumanni falið að halda vinnunni áfram í samræmi við umræður á fundinum. (Hermann vék af fundi kl. 17.13).

 4. Endurbætur á Sindrabæ og Mánagarði

Lagt fram minnisblað, dags. 4 maí 2005. Rætt um endurbætur á húsunum. Ágústína gerði aðkomu að Sindrabæ að umtalsefni og taldi að úrbóta þörf. Menningarálanefnd beinir því til bæjarráðs að aðkoma að Sindrabæ verði löguð og gerð aðlaðandi. Ræddu fundarmenn um hvort þetta gæti verið eitt af verkefnum vinnuskóla í sumar. Guðlaug ræddi um aukna möguleika á því að bjóða leikhópum víðs vegar af landinu til þess að setja upp sýningar í Mánagarði.

5. Sumarstarf Menningarmiðstöðvar

Lögð fram viðburðadagskrá og opnunartímar hjá Menningarmiðstöð og Jöklasýningu. Gerð var grein fyrir starfsmannamálum á stofnuninni í sumar.

6. Samningar

Lagður fram samningur við humarhátíðarnefnd, dags. 26. apríl 2005 og drög að samningi við handraðann um leigu á Pakkhúsi. Menningarmálanefnd gerir ekki athugasemdir við samningana.

7. Jöklasýning

Gerð var grein fyrir framkvæmdum við Jöklasýningu.

8. Drög að dagskrá fyrir ferð menningarmálanefndar í Suðursveit og Öræfi þann 25. maí n.k.

Lagt fram til kynningar.

9. Önnur mál

o Forstöðumaður greindi frá því að Guðrún Jónsdóttir hafi verið ráðin í starf upplýsinga- og menningarfulltrúa.

o Guðlaug spurði um öryggismál á söfnum. Forstöðumaður greindi frá því að vinna væri í fullum gangi og öryggiskerfi í Gömlubúð og Pakkhúsinu kæmu upp innan tíðar.

o Forstöðumaður gerði grein fyrir styrk sem Menningarmiðstöð og Háskólasetur hlutu til rannsóknar á möguleikum til uppbyggingar vetrarferðaþjónustu.

Fleira ekki gert, fundi slitið kl. 17.50