Fundargerð Menningarmálanefndar 62

62. fundur

Fundur haldinn í menningarmálanefnd í fundarsal Frumkvöðlaseturs í Nýheimum

miðvikudaginn 8. desember 2004 kl. 17:00.

Mætt voru:        Hermann Hansson, Ágústína Halldórsdóttir, Bryndís Hólmarsdóttir, Guðlaug Hestnes og Ari Hannesson. Einnig Gísli Sverrir Árnason og Hjalti Þór Vignisson.

Gengið var til dagskrár og eftirtalið tekið fyrir:

1.      Fundargerðir síðastu funda

Lagðar voru fram fundargerðir funda frá 27. október og 1. desember til kynningar og fundargerð frá Djúpavogsferð 10. nóvember til undirritunar.

2.      Fjárhagsáætlun 2005

Lögð voru fram drög að fjárhagsáætlun Menningarmiðstöðvar Hornafjarðar fyrir árið 2005. Þar er gert ráð fyrir tekjum að upphæð 16,800.000 kr. en gjöldum að upphæð 46.180.000 kr. Nettóniðurstaða áætlunarinnar er því 29.380.000 kr.

Menningarmálanefnd samþykkir þessi drög að fjárhagsáætlun. Lögð er áhersla á að fjármunir fáist í viðhald Gömlubúðar og Fundarhúss Lónmanna. Ennfremur er afar brýnt að fá fjárveitingu í það að bæta úr öryggismálum safna.

3.      Jöklasetur

Formaður gerði grein fyrir undirbúningi nýrrar sýningar, fjármögnun o.fl. þáttum. Leitað hefur verið til fjölmargra aðila um aðkomu að málinu og hafa ýmsir nú þegar heitið faglegum stuðningi. Fjárveiting á fjárlögum næsta árs hljóðar upp á 5 millj. kr. Enn er vonast eftir að náist samningur við ríkisvaldið um frekari fjármögnun á næstu árum. Fram kom á málþingi í Nýheimum í dag að Vegagerðin hefur ákveðið að leggja Jöklasetri til 5 millj. kr. styrk á næstu þremur árum. Gerður hefur verið samningur við Björn G. Björnsson um hönnun nýrrar sýningar.

4.      Öryggismál safna

Lagðar voru fram upplýsingar um kaupverð öryggiskerfa í Gömlubúð, Pakkhúsi, Miklagarði, Fundarhúsi og Vöruhúsi skv. tilboði frá Securitas. Tilboð bárust ekki frá öðrum. Óskað hefur verið eftir tilboðum í uppsetningu kerfanna. Málið hefur verið kynnt fyrir bæjarstjóra, framkvæmdastjóra tækni- og umhverfissviðs og fulltrúa VÍS. Menningarmálanefnd telur að Gamlabúð og Pakkhús eigi að njóta forgangs í þessu máli, öryggismál í Vöruhúsi eigi að skoða í tengslum við uppbyggingu Jöklasýningar í samráði við eiganda hússins. Þá bendir nefndin bæjaryfirvöldum á að leyfa ekki afnot af Miklagarði sem geti skapað húsinu hættu.

5.      Samningar

Lagðir voru fram samningar Menningarmiðstöðvar við Hafnarskóla og Heppuskóla dagsettir 1. desember 2004. Einnig samningur Garðeyjar ehf., Menningarmiðstöðvar Hornafjarðar, Útvegsmannafélags Hornafjarðar, Vökuls-Stéttarfélags og Sveitarfélagsins Hornafjarðar um varðveislu og eignarhald á Akurey SF 52 dagsettur 4. desember 2004. Sagt var frá 400.000 kr. styrk frá Atvinnuþróunarsjóði Austurlands til áætlanagerðar varðandi gamla hafnarsvæðið, Hafnarvík-Heppu.

6.      Menningarverðlaun 2004

Lagt fram yfirlit um verðlaunahafa frá 1995 og reglur um verðlaunin. Umræða varð um málið og ákveðið að auglýsa eftir tilnefningum frá almenningi en ákvörðun verður tekin í janúar.

7.      Önnur mál

·         Lagt fram tölvubréf um Barnamenningarsjóð sem bæjarráð vísaði til nefndarinnar. Starfsmönnum falið að svara erindinu.

·         Sagt var frá viðræðum Menningarráðs Austurlands og SSA við menntamálaráðu-neytið um nýjan samning um menningarmál.

·         Lýst var vonbrigðum með umgengni við anddyri Nýheima, aðallega vegna reykinga.

Fleira ekki gert, fundi slitið kl. 19.00