Fundargerð Menningarmálanefndar 58

58. fundur

Fundur haldinn í Menningarmálanefnd í fundarsal Frumkvöðlaseturs í Nýheimum
miðvikudaginn 23. júní 2004 kl. 16:00.
Mætt voru: Hermann Hansson, Ágústína Halldórsdóttir, Bryndís Hólmarsdóttir, Guðlaug Hestnes og Þorbjörg Arnórsdóttir. Einnig Gísli Sverrir Árnason.

Gengið var til dagskrár og eftirtalið tekið fyrir:

Dagskrá:

1. Fundargerð síðasta fundar
Fundargerð síðasta fundar, 12. maí, lögð fram til kynningar.
Dreift var drögum að reglum um námsleyfi fyrir starfsmenn Sveitarfélagsins Hornafjarðar sem eru til umfjöllunar í bæjarráði.

2. Stofnframlög til menningarmiðstöðvar
Lögð var fram tillaga undirbúningshóps að ráðstöfun stofnfjármuna frá menntamálaráðuneyti. Undirbúningshópinn skipuðu Jóhann Morávek, Haukur H. Þorvaldsson, Helgi Már Pálsson, Magnús J. Magnússon og Gísli Sverrir Árnason. Tillagan gerir ráð fyrir að verja 3,755.000 kr. til framkvæmda í Mánagarði, 6,042.792 kr. til framkvæmda í Sindrabæ og 4,202.208 kr. til kaupa á færanlegum búnaði. Þetta eru samtals 14,000.000 kr. en það er upphæðin sem til ráðstöfunar er frá menntamálaráðuneytinu. Gísli Sverrir fór yfir tillöguna lið fyrir lið og gerði grein fyrir þeirri forgangsröðun sem fælist í henni. Hann gerði einnig grein fyrir þeirri athugasemd einstakra fulltrúa í undirbúningshópnum að það væri miður að taka hefði þurft burt af upphaflegum lista mikilvægan búnað eins og hljóðskerma fyrir kóra og hljómleika en verja hluta af stofnfjárveitingu ríkisins þess í stað í hreint viðhald Mánagarðs og Sindrabæjar. Í tillöguskjali undirbúningshópsins eru 2,400.000 kr. skilgreindar sem viðhald. Menningarmálanefnd vekur athygli á þessum þætti.
Menningarmálanefnd samþykkir fram komna tillögu um ráðstöfun stofnfjármuna og hvetur til þess að farið verði að vinna eftir henni sem fyrst.

3. Flygillinn í Nýheimum
Lagt var fram fullnaðar uppgjör á flyglinum en hann hefur nú verið greiddur upp. Kaupin voru fjármögnuð með eftirfarandi hætti:
Kaupverð: 3,700.000 kr.
Kaupfélag Austur-Skaftfellinga greiddi flutningskostnað frá Þýskalandi til Hornafjarðar. Metið á 300.000 kr.
Sparisjóður Hornafjarðar og nágrennis greiddi fjármagnskostnað sem haust af kaupunum:
Árið 2003 451.208 kr.
Árið 2004 52.912 kr.
ALLS 504.120 kr.
Fjármögnun kaupverðs:
Menningarmiðstöð Hornafjarðar (stofnfé menntamálarn.) 1,852.208 kr.
Menningarsjóður Austur-Skaftfellinga 500.000 kr.
Framhaldsskólinn í Austur-Skaftafellssýslu 200.000 kr.
Listvinasjóður Hornafjarðar 200.000 kr.
Menningarráð Austurlands 500.000 kr.
Ágóði af tónleikum Tónskólans 9.04.´03 15.500 kr.
Karlakórinn Jökull, jólatónleikar 21.12.´03 273.840 kr.
Menningarsjóður VÍS 100.000 kr.
Samkór Hornafjarðar, tónleikar 19.02.´04 50.000 kr.
Kvennakór Hornafjarðar, tónl. 21.04.´04 5.500 kr.
Leiga á flygli 13.05.´04 9.000 kr.
SAMTALS 3,706.048 kr.


4. Skáldið og sekkjapípuleikarinn 22. maí
Lögð voru fram drög að uppgjöri vegna viðburðarins. Heildarkostnaður nam um 950.000 kr. Menningarmálanefnd samþykkir styrk úr Listvinasjóði Hornafjarðar að upphæð 100.000 kr. enda sæki sjóðurinn um framlag úr Menningarsjóði félagsheimila vegna kostnaðar við fargjöld.
Menningarmálanefnd lýsir yfir mikilli ánægju með þennan viðburð og framkvæmd hans.

5. Samningar
Lagðir voru fram eftirtaldir samningar sem Menningarmiðstöð hefur gert að undanförnu:
• Samningur við Handraðann um Pakkhúsið dags. 13. maí 2004.
• Samningur við Humarhátíðarnefnd um Pakkhúsið dags. 10. júní 2004.
• Samningur við Sveitarfélagið Hornafjörð um upplýsingamiðstöð dags. 1. júní 2004.

6. Framlög til menningarmála 2002-2004
Lögð var fram samantekt um opinber framlög til Menningarmiðstöðvar Hornafjarðar árin 2002-2004 vegna bókunar á síðasta fundi.
Framlögin voru:
2002 10.250.000 kr.
2003 16.300.000 kr.
2004 13.900.000 kr. (áætlun).
Unnið er að samskonar upplýsingum um Jöklasýningu og Þórbergssetur.

7. Önnur mál
Lagt var fram yfirlit um viðburði framundan.

Í lok fundar var farin stutt kynnisferð á Jöklasýningu og í Pakkhús til þess að skoða breytingar og framkvæmdir á þessum stöðum.



Fundi slitið kl. 18:00