Fundargerð húsnæðisnefndar 62

62. fundur

Húsnæðisnefnd Hornafjarðar 62. fundur

Fundur haldinn í húsnæðisnefnd Hornafjarðar í fundarsal ráðhúss mánudaginn 9. maí kl: 16:30. Mætt voru: Kristín Gísladóttir, Örn Arnarson og Kristín G. Gestsdóttir. Einnig Ásta H. Guðmundsdóttir framkvæmdastjóri fjármálasviðs. Dagskrá:

1. Úthlutun íbúða

· Víkurbraut 11 0101 71,65 fm. 3 herb. Úthlutað sjá trúnaðarbók. · Víkurbraut 11 0102 84,30 fm. 3 herb. Úthlutað sjá trúnaðarbók.

2. Umsóknir um viðbótarlán frá des. 2004

· Umsókn dags. 22. desember 2004 tekið fyrir á símafundi sama dag um yfirtöku á viðbótarlán að upphæð kr. 1.904.809.-. Húsnæðisnefnd samþykkir með fyrirvara um samþykki Íbúðalánasjóðs.

3. Ársreikningar 2004

Ásta kynnti ársreikninga 2004. Niðurstaða rekstrar er 9,4 m.kr. í tap. Uppfærsla langtímalána er um 12,1 m.kr. og afborganir um 7,3 m.kr. Húnsæðisnefnd lýsir yfir þungum áhyggjum vegna viðvarandi halla kerfisins og beinir því til bæjarráðs að tekið verði á málinu þannig að viðvarandi lausn fáist til lækkunar langtímalána. Húsnæðisnefnd samþykkir ársreining 2004 og vísar þeim til annarrar umræðu í bæjarstjórn.

4. Minnisblað frá Regula lögmannsstofu varðandi innlausnaríbúðir. Lagt fram minnisblað dags. 6. apríl sl. þar sem eftirfarandi kemur fram: “Kaupleiguíbúð (á við allar kaupleiguíbúðir ) sem seld er nauðungarsölu áður en 15 ár eru liðin frá útgáfu afsals til eiganda ber sveitarfélaginu skylda til að innleysa á innlausnarverði eftir útreikningi laganna”. Skv. lista sem lagður var fram á fundinum eru fimm íbúðir í kaupleigukerfinu sem eru í eigu annarra en sveitarfélagsins og eru með forkaupsrétt en ef til nauðungarsölu kemur ber sveitarfélaginu að leysa þær til sín og tvær eru félagslegar eignaríbúðir en i innlausnarskylda þeirra er 15 ár. Kristín G. Gestdóttir víkur af fundi. Húsnæðisnefnd telur að í raun sé um innlausnarskyldu í 15 ár frá afsalsdegi og beinir því til bæjarráðs að taka málið á dagskrá.

Fundi slitið kl. 17:20