Fundargerð hafnarstjórnar 152

1.

201203066 - Hornafjarðarveitur

Birgir Árnason og Björgvin Sigurjónsson mættu á fundinn undir þessum lið.  Þeir fór yfir ástand veitna og nauðsynlegar endurbætur á þeim.  Gerðu grein fyrir að stór hluti af framkvæmdafé veitna árið 2012 hafi farið í endurbætur í Nesjahverfi og nágrenni.  Lögðu fram kostnaðaráætlun um fullnaðarfrágang í fráveitu og gatnagerð í Nesjum, við hafnarsvæðið, Hólabraut, Hrísbraut og fleiri staði.  Fundarmenn ræddu um forgangsröðun.  Gerð tillaga um framkvæmdir í samræmi við útgefinn fjárhagsramma.  Hafnarstjórn samþykkir framlagða tillögu, sem gerir m.a. ráð fyrir fullnaðarfrágangi á veitum í Nesjahverfi.

2.

200906008 - Mælingar á grynnslum og höfninni

Vignir Júlíusson fór yfir tilboð sem liggur frammi frá Ísmar í fjölgeisla mælitæki í Björn lóðs og landmælingatæki að Trimble gerð.  Gerði grein fyrir að fjölgeislamælir stórbætti upplýsingasöfnun um flutning efnis inn í höfnina og yki gæði dýptarmælinga umtalsvert.  Upplýst að fyrirhugaður sé fundur með Siglingastofnun um áframhaldandi rannsókn á Grynnslunum.  Ákvörðun um kaup á búnaði frestað þar til fundurinn hefur farið fram.

3.

201008061 - Viðhaldsdýpkun í höfninni

Sigurður fór yfir viðræður við Siglingastofnun um viðhaldsdýpkun fyrir árið 2013.  Fyrir liggur heimild til dælingar upp á 25.000 rúmmetra.  Greindi frá nýjustu dýpismælingum sem sýna þörf á dælingu frá frá hafnarmynni að ísbryggju.

Farið yfir leyfisveitingu Umhverfisstofnunar fyrir dælulögn.

Forstöðumanni falið að undirbúa framkvæmdir við dælulögn sem og viðhaldsdýpkun.   

4.

200803008 - Landrof á Suðurfjöru

Sigurður kynnti þær aðgerðir sem farið hafa fram í samráði við Siglingastofnun.  Þetta eru aðgerðir til að verja strandlengju að innanverðri Suðurfjöru vegna rofs að völdum ágangs sjávar og siglingamerki vörð með pokum.  Upplýst að Hornafjarðarhöfn greiðir fyrir framkvæmdina og sækir um endurgreiðslu til hafnarráðs á næsta fundi hafnarráðs.

Forstöðumaður fylgir málinu eftir.

5.

201111021 - Björgun Ölmu

Sigurður upplýsti að fullnaðar uppgjör hefur farið fram vegna björgunar Ölmu.

6.

201106046 - Framkvæmdir og viðhald við höfnina

Farið yfir hugsanlega framkvæmdarliði fyrir árið 2013, malbikun, grjótgarð austan við upptökubraut smábáta, dælulögn, Hellisvita, eystri flotbryggju, framkvæmdir í Birni Lóðs, og zinkun á Álugareyjarbryggju og Krosseyjarbryggju.  Hafnarstjórn gerir tillögu að aukningu á framkvæmdaramma frá samþykktri áætlun í ljósi framkominni þarfa á framkvæmdum um allt að 10 m.kr.  Einnig er þörf á aukningu vegna kaupa á búnaði í Björn Lóðs um allt að 10 m.kr, sem færi að stærstu hluta í kaup á nýju spili.  Hafnarstjórn bendir á að í áætlun fyrir árið 2013 var hvorki gert ráð fyrir björgunarlaunum vegna Ölmu né góðri loðnuvertíð.

7.

200803042 - Innsigling um Hornafjarðarós

Farið yfir samskipti við Siglingastofnun er varðar sameiginlegt verkefni á vegum Siglingastofnunar, Skinneyjar Þinganess og Hornafjarðarhafnar um úrbætur á Grynnslum. Fundur um málið fyrirhugaður í næstu viku á milli aðila.

8.

201211036 - Önnur mál hafnarstjórnar.

Sigurður kynnti farþegaskip hefur boðað komu sína til Hornafjarðar 17. júní og unnið er að fleiri skipakomum.

Farið yfir og rætt um fundartíma Hafnarstjórnar.