Fundargerð hafnarstjórnar 136
136. fundur
136. fundur hafnarstjórnar Hornafjarðar haldinní ráðhúsi, 29. júní 2011 og hófst hann kl. 16:00.
Fundinn sátu:
Reynir Arnarson formaður
Valdemar Einarsson aðalmaður
Páll Ólafsson aðalmaður
Hannes Ingi Jónsson varamaður
Örn Arnarson varamaður
Hjalti Þór Vignisson bæjarstjóri
Haukur Ingi Einarsson (HIE) starfsmaður tæknisviðs
Birgir Árnason starfsmaður tæknisviðs
Sigfús Harðarson embættismaður
Fundargerð ritaði: Haukur Ingi Einarsson, Framkvæmdastjóri fjármála- og framkvæmdasviðs.
Dagskrá:
| 1. |
201103031 - Viðhaldsdýpkun í Hornafjarðarhöfn 2011 |
|
Hjalti gerði grein fyrir stöðu mála. Íslenska gámafélagið fellur frá tilboði sýnu um dýpkun 2011 og 2012. Hafnarstjóri gerði grein fyrir samningaviðræðum við Dýpkunarfélagið Trölla ehf. Hafnarstjórn samþykkir fyrir sitt leiti að ganga til samninga við Dýpkunarfélagið Trölla ehf. |
| |
|
|
| 2. |
201003080 - Farþegaskip - koma til Hornafjarðar |
|
Reynir fylgdi málinu úr hlaði. Gerði hann grein fyrir samstarfi Hornafjarðarhafnar við Djúpavog um sameiginleg markaðsmál fyrir hafnir byggðanna. Reynir lagði til að sendur verði starfsmaður til Hamborgar á markaðsráðstefnu í haust og að leitað verði eftir áframhaldandi samstarfi við Djúpavog um sameiginleg markaðsmál. Hafnarstjórn samþykkir að senda starfsmann á ráðstefnuna í Hamborg. Hafnarstjóra falið að ræða við Djúpavogshrepp um áframhaldandi samstarf í markaðsmálum, með áherslu á að stærri farþegaskip eigi viðkomu á Djúpavogi en smærri farþegaskip eigi viðkomu á Höfn. |
| |
|
|
| 3. |
201106046 - Framkvæmdir og viðhald við höfnina |
|
Birgir gerð grein fyrir stöðu framkvæmda við Höfnina og veitur. Framkvæmdir eru vel á veg komnar, stærsta verkið sem eftir á að framkvæma er dýpkun í Hornafjarðarhöfn. Umræður sköpuðust um viðhald á Birni Lóðs, báturinn er í slipp og er unnið að meiriháttar viðhaldi á bátnum, gert er ráð fyrir að báturinn losni úr slipp fyrir næstu helgi. Rætt var um þilið við Miklagarðsbryggju, gert er ráð fyrir að starfsmaður Siglingastofnunar komi og meti ástand á þilinu og öðrum bryggjum. |
| |
|
|
| 4. |
201106045 - Hafnarsjóður - staða 15.06.2011 |
|
Hjalti gerði grein fyrir stöðu fjármála. Staðan er samkvæmt áætlun, beðið er eftir uppgjöri vegna viðgerðar á Birni Lóðs en að öllum líkindum verður aukning á áætluðum gjöldum Hafnarsjóðs á seinni hluta ársins vegna þessa. |
| |
|
|
| 5. |
200805074 - Hafnarvík Heppa verkefni |
|
Haukur Ingi fylgdi málinu úr hlaði. Hafnarstjórn er sammála um að heimila ekki bílastæði á Trébryggju við Pakkhús. Hafnarstjórn bendir á að komi til þess að gangstétt verði lögð meðfram Pakkhúsinu verði tryggt að akstursleið frá vigt verði ekki skert. Að öðru leiti gerir hafnarstjórn ekki athugasemd við framlögð drög að skipulagi fyrir Hafnarvík - Heppu. Umræður sköpuðust um viðhald Miklagarðs og Graðalofts undir þessum lið. |
| |
|
|
| 6. |
200906008 - Mælingar á grynnslum og höfninni |
|
Hafnarstjórn óskar eftir að fá dýptarmælingar á grynnslum vegna ábendinga frá skipstjóra. |
| |
|
|
Fleira ekki gert. Fundi slitið kl. 17:15
