Fundargerð hafnarstjórnar 129

129. fundur

Fundinn sátu:

Reynir Arnarson, Sigurður Ægir Birgisson, Nína Sibyl Birgisdóttir, Valdemar Einarsson, Hjalti Þór Vignisson, Haukur Ingi Einarsson (HIE), Birgir Árnason, Sigfús Harðarson,  

Fundargerð ritaði:  Hjalti Þór Vignisson, bæjarstjóri

Dagskrá:

 1.    201003079 - Gjaldskrá fyrir Hornafjarðarhöfn

Hafnarstjórn samþykkti framlagða gjaldskrá með áorðnum breytingum. Starfsmönnum falið að uppfæra gjaldskrá varðandi aðstoð við hjálparvana skip og rafmagn samkvæmt viðkomandi gjaldskrám.

2.    201008059 - Viðhaldsáætlun fyrir Hornafjarðarhöfn

Lagður fram viðhaldsáætlun. Umræður sköpuðust um forgangsröðun og starfsmönnum falið að vinna í málinu á milli funda. Hafnarstjórn óskar eftir yfirliti yfir þörf á viðhaldi og framkvæmdum á næstu árum.

3.    201008061 - Dýpkun í höfninni 2010

Birgir og Sigfús fóru yfir hugmyndir að fyrirkomulagi dýpkunar. Ræddu um að hentugast væri að gera það í vor og losa efnið í Sílavík. Miðað við að sá strax í svæðið eftir að dælingu lýkur. Hafnarstjórn óskaði eftir upplýsingum um hversu stórt svæðið er sem mögulegt er að dæla upp í.

4.    201003080 - Farþegaskip - koma til Hornafjarðar

Rætt um kynningarmál fyrir höfnina. Sagt frá fundi starfsmanns hafnarinnar með skipafélögum. Hafnarstjórn ræddi um hvernig standa beri að kynningu á höfninni sem valkost fyrir smærri skemmtiferðaskip. Hafnarstjórn sammála um að ráðast í þessa vinnu og Hjalta falið að útfæra vinnuna nánar.

5.    200804075 - Starfsmannamál hafnarinnar

Rætt um starfsmannamál. Starfsmönnum falið að gera tillögu að mönnun á höfninni.

Fleira ekki gert.  Fundi slitið kl.   18.10