Fundargerð hafnarstjórnar 128

128. fundur

Fundur í hafnarstjórn Hornafjarðar haldinn í ráðhúsi, fimmtudaginn 25. nóvember 2010 og hófst hann kl. 12:00

 Fundinn sátu:

Reynir Arnarson, Sigurður Ægir Birgisson, Nína Sibyl Birgisdóttir, Valdemar Einarsson, Páll Ólafsson, Hjalti Þór Vignisson, Haukur Ingi Einarsson (HIE), Birgir Árnason, Sigfús Harðarson,  

 Fundargerð ritaði:  Hjalti Þór Vignisson, bæjarstjóri

Dagskrá:

 1.                  201007005 - Fjárhagsáætlun 2011

Ásta H. Guðmundsdóttir mætti á fundinn undir þessum lið. Fjárhagsáætlun Hornafjarðarhafnar fyrir árið 2011 kynnt. Kom fram að gert er ráð fyrir afgangi af rekstri upp á 43 m.kr og framkvæmdir upp á 20 m.kr.
Hafnarstjórn samþykkir framlagða tilllögu að fjárhagsáætlun.

Fjárhagsáætlun Hornafjarðarveitna fyrir árið 2011 kynnt. Kom fram að gert er ráð fyrir rekstrarafgangi fyrir árið 3,5 m.kr. og framkvæmdir og fjárfestingar upp á 40 m.kr.
Hafnarstjórn samþykkir framlagða tillögu að fjárhagsáætlun.

2.                  201003079 - Gjaldskrá fyrir Hornafjarðarhöfn

Lagður fram samanburður á gjaldskrám hafna. Hafnarstjórn er sammála um að endurskoða gjaldskrá fyrir farþega skemmtiferðaskipa og gera höfnina samkeppnishæfari hvað það varðar. Birgir greindi frá því að stefnan væri að taka upp verkbókhald á höfninni til að betur sé hægt að átta sig á tíma og kostnaði við einstaka þjónustuþætti hafnarinnar, s.s. vigtun, hafnsögu og viðhald. Rætt um sorpmál og þau úrræði sem til staðar eru í þeim málum.

Nína vék af fundi kl. 13.05.

Hafnarstjórn sammála um að funda fyrir lok desember og ljúka afgreiðslu gjaldskrár á þeim fundi. Vinnu vísað til starfsmanna.

3.                  201008059 - Viðhaldsáætlun fyrir Hornafjarðarhöfn

Lögð fram viðhaldsáætlun fyrir höfnina fyrir næstu 10 árin. Kom fram að áætluð fjárþörf eru um 480 m.kr. Samþykkt að afgreiða viðhaldsáætlun á næsta fundi.

4.                  200709059 - Endurskoðun á aðalskipulagi

Rætt um vegi í Óslandi og mikilvægi þess að endurbæta þá. Starfsmönnum falið að gera áætlun um endurbætur á vegunum og meta kostnað við þær framkvæmdir.

5.                  201011037 - Ársreikningur og fjárhagsáætlun Hafnasambands Íslands
Til kynningar.

6.                  201011038 - Hlutverk og tækifæri hafna - ályktun frá hafnasambandsþingi 2010
Til kynningar

7.                  201011039 - Umhverfismál hafna - ályktun frá hafnasambandsþingi 2010
Til kynningar.

8.                  200705114 - Önnur mál
Reynir ræddi um endurskoðun á hafnalögum og sagði frá nefnd á vegum hafnasambandsins um málið.
Reynir greindi frá samtali við verksmiðjustjóra í Óslandi um að setja upp skilti sem segir að óviðkomandi umferð verði bönnuð við Bátstangabryggju og Loðnubryggju, eins og á öðrum hafnarmannvirkjum. Hafnarstjórn felur starfsmönnum að vinna að málinu.
Rætt um dýpkun innan hafnar á næsta ári. Starfsmönnum falið að gera áætlun um losunarstaði.
Valdemar benti á að á síðasta fundi hafi verið ákveðið að bjóða út hreinsivirki við Leiðarhöfða en útboðið hafi farið fram og afgreitt án afgreiðslu hafnarstjórnar.

Fleira ekki gert.  Fundi slitið kl.   14.00