Hafnarstjórn
Fundargerð hafnarstjórnar 116
116. fundur
Fundur í hafnarstjórnar Hornafjarðar haldinn í ráðhúsi,þriðjudaginn 2. júní 2009 og hófst hann kl. 12:00
Fundinn sátu:
Reynir Arnarson, Hjördís Þóra Sigurþórsdóttir, Haukur Ingi Einarsson (HIE), Valdemar Einarsson, Örn Arnarson, Birgir Árnason, Ásta Halldóra Guðmundsdóttir (ÁHG), Sigfús Harðarson,
Fundargerð ritaði: Haukur Ingi Einarsson, Framkvæmdastjóri tækni- og umhverfissviðs
Dagskrá:
1. 200804073 - Dýpkun í Hornafjarðarhöfn
Farið var yfir dýptarmælingar í höfninni frá því í maí 2009 og þau svæði sem lögð verður áhersla á að dýpka árið 2009. Þau svæði sem liggur mest á að dýpka eru í rennunni fyrir framan nýju bryggjuna við Álaugarey og inni í króknum við Krosseyjarbryggju. Stafsmönnum falið að fylgja málinu eftir. Hafnarstjórn bendir á að heimild til viðhaldsdýpkunar er 25.000 r.m. á árinu 2009 og dýpi verði 7.5 m
2. 200705098 - Álaugareyjarbryggja
Lagðar voru fram hugmyndir að frágangi á kanti milli Álaugareyjarbryggju og Krosseyjarbryggju ásamt mögulegum flutningi á rafmagnshúsi frá Krosseyjarbryggju að Álaugareyjarbryggju. Töluverðar umræður sköpuðust um hugmyndina. Reynir lagði til að ídráttarlagnir verði lagðar í jörðu þannig að hægt verði að flytja rafmagnshús síðar. Tillaga samþykkt og starfmönnum falið að fylgja málinu áfram. Tillaga að endanlegum frágangi á garði milli Álaugareyjarbryggju og Krosseyjarbryggju vísað til endurskoðunar á fjárhagsáætlun. Starfsmönnum falið að vinna kostnaðaráætlun og undirbúa útboðsgögn.
3. 200906007 - Ársreikningur Hornafjarðarhafnar 2008
Ásta fór yfir ársreikning 2008. Fram kom að rekstur hafnarinnar er í jafnvægi. Hafnarstjórn samþykkir ársreikning fyrir árið 2008. Skrifað var undir reikninginn á fundinum. Hafnarstjórn óskar eftir upplýsingum um tekjur vegna björgunar á flutningaskipinu Axel í nóvember 2007. Starfsmönnum falið að afla upplýsinga um málið.
4. 200902072 - Sorphirða í sveitum
Rætt var um fyrirkomulag sorpmála á Hafnarsvæðinu. Hafnarstjórn beinir því til starfmanna að fara yfir málið og gera tillögu að staðsetningu grenndarstöðvar sem þjóni hafnarsvæðinu.
5. 200903036 - Framkvæmdir við höfnina - ýmislegt
Birgir Árnasón gerði grein fyrir stöðu framkvæmda. Framkvæmdir ganga eðlilega fyrir sig og reiknað er með að tímaáætlun haldi. Til kynningar
6. 200906008 - Mælingar á grynnslum og höfninni
Mælingar á grynnslum og innan hafnarinnar til kynningar. Fram kom að dýpi á grynnslunum væri með betra móti miða við undanfarin ár.
7. 200705114 - Önnur mál
Birgir lagði fram tillögu um að Hafnarsjóður greiði kostnað vegna námskeiðs vegna landmælingartækja, áætlaður kostnaður 150.000 kr. Tillaga samþykkt
Umræður sköpuðust um viðlegustaura í höfninni og að þeir verði lagaðir. Starfmönnum falið að vinna að málinu í samræmi við umræður á fundinum.
