Fundargerð hafnarstjórnar 111

111. fundur

Fundinn sátu:

Reynir Arnarson, Sigurður Ægir Birgisson, Árni Rúnar Þorvaldsson, Hjalti Þór Vignisson, Haukur Ingi Einarsson (HIE), Valdemar Einarsson, 

 Fundargerð ritaði:  Haukur Ingi Einarsson, Framkvæmdarstjóri tækni- og umhverfissviðs

 Dagskrá:

 1.      200709059 - Endurskoðun á aðalskipulagi

Reynir bauð fundarmenn velkomna sérstaklega tvo nýja fulltrúa Hafnarstjórnar Örn Arnarson og Sigurð Ægi Birgisson. Starfmönnum falið að staðfæra þær breytingar sem orðið hafa á hafnarsvæði frá því núgildandi skipulag var samþykkt, svo sem varnargarða og bryggju á austurfjörum. Hafnarstjórn var sammála um að Faxeyrarhöfn verði áfram inni á skipulagi, gert verði ráð fyrir brú yfir í Mikley og gert verði ráð fyrir virkjanasvæði í Mikleyjarál. Ennfremur leggur Hafnarstjórn til að nýr ós verði settur inn á aðalskipulag í samræmi við tillögur Siglingarmála sem verður vestan við Einholtskletta. Skoðaðir verði allir virkjanakostir á Hafnarsvæðinu, gert verði ráð fyrir virkjanasvæði á austurfjörum ásamt efnistökusvæði. Svæði á Suðurfjörum verði merkt að hluta sem opið svæði til sérstakrar nota.

2.      200705114 - Önnur mál

Starfmenn gerðu grein fyrir tilboðum sem bárust í verkið endurbætur á Vogarbryggju. Hafnarstjórn samþykkir að taka lægsta tilboði sem kom frá Gröfuþjónustu Olgeir.