Fundargerð hafnarstjórnar 97

97. fundur

97. fundur hafnarstjórnar Hornafjarðar haldinn í ráðhúsi,miðvikudaginn 14. nóvember 2007 og hófst hann kl. 12.00

 Fundinn sátu:

Reynir Arnarson, Halldór Tjörvi Einarsson, Páll Guðmundsson, Hjalti Þór Vignisson, Haukur Ingi Einarsson (HIE), Sigfús Harðarson, Ásta Halldóra Guðmundsdóttir (ÁHG),

 Fundargerð ritaði:  Hjalti Þór Vignisson, bæjarstjóri

  Dagskrá:

 1.      200711010 - Viðhaldsdýpkun

Lögð fram áætlun um dýpkun í Hornafjarðarhöfn árin 2007 og 2008. Spurt um dýpkun við fyrirhugaða bryggju við Álaugarey. Kom fram að starfsmenn Siglingastofnunar svari því til að það sé hluti af viðhaldsdýpkun.
Hafnarstjórn leggur áherslu á að gert verði ráð fyrir dýpkun við Óslandsbryggju og Loðnubryggju. Að öðru leyti vísar Hafnarstjórn til kafla 2.1.1. í útboðsgögnum.

Spurt um samning við verktaka. Upplýst að hann sé tilbúinn til undirritunar af hálfu verktaka. Hafnarstjórn felur hafnarstjóra að skrifa undir samninginn.

2.      200710005 - Stofnun útibús á vegum Siglingastofnunar

Lagt fram minnisblað, dags. 10. nóvember 2007. Gerð grein fyrir samskiptum starfsmanna Hornafjarðarhafnar við Siglingastofnun um málið. Þá var greint frá næstu skrefum í málinu sem eru að fullvinna fjárhagsáætlun og kynna hana fyrir ráðherrum.
Hafnarstjórn styður framkomnar hugmyndir og felur hafnarstjóra að fylgja málinu eftir.

3.      200710029 - Fjárhagsáætlun 2008

Ásta kynnti fjárhagsáætlun ársins 2008. Í máli hennar kom fram að tekið hafi verið tillit til væntanlegs samdráttar í afla. Kom fram að áætlað sé að rekstrarniðurstaða sé jákvæð um 1,4 m.kr. og að veltufé frá rekstri verði um 13 m.kr. Gert er ráð fyrir að þátttaka Hornafjarðarhafnar vegna framkvæmda við Álaugareyjarbryggju verði 40 m.kr. og að lántaka ársins verði 35 m.kr.

Hafnarstjórn óskar eftir upplýsingum um breytingu á milli ára og samanburð við aðrar hafnir á Íslandi.
Hafnarstjórn samþykkir fjárhagsáætlun 2008 fyrir sitt leyti og vísar henni til síðari umræðu.

4.      200705114 - Önnur mál

Páll gerði vigtarmál að umtalsefni. Sigfús upplýsti að töluverðar breytingar eigi sér stað um vigtarmál og auknar kröfur eru gerðar til þeirra sem hafa heimavigtunarleyfi. Sigfús sagði að málefni fiskmarkaða að þessu leyti væri til skoðunar hjá ráðherra. Í kjölfarið var lesin upp niðurstaða lögfræðings hjá Alta um kröfur til hafna og starfsmanna hafna um vigtanir og eftirlit með lönduðum afla. Hafnarstjórn er sammála um að taka málið fyrir þegar niðurstaða í viðræðum Hafnsambandsins og sjávarútvegsráðuneytisins liggja fyrir. Hafnarstjóra falið að fá skýringar af hverju heimavigtunarleyfi hafi verið tekið af fiskmarkaðinum.
Reynir óskaði eftir að gerðar verði mælingar á dýpinu á Grynnslunum.
Sigfús sagði að breyta þurfi hönnun á fríholtum á nýju bryggjunni við Álaugarey.
Spurt um stöðu við framkvæmdir á smábátaupptöku. Kom fram að ætlunin sé að breikka upptökuna núna en lengja hana í vor þegar fjörur verða miklar.
Hafnarstjórn samþykkir tilboð Furu ehf. í förgun á Soffíu, dags. 12. október 2007, að upphæð 550.000 án vsk.
Hafnarstjórn samþykkir að Álaugareyjarbryggja verði boðin út sem fyrst.

Fleira ekki gert.  Fundi slitið kl.