Fundargerð hafnarstjórnar 95

95. fundur

 Mættir voru: Reynir Arnarson, formaður, Ásgeir Gunnarsson, Halldór Tjörvi Einarsson og Páll Guðmundsson.   Einnig: Hjalti Þór Vignisson og Ólafur Einir Einarsson.

 1.      Dæling

Hjalti gerði grein fyrir samskiptum við Siglingastofnun um dælingu. 

Rætt um uppgröft í höfninni.  Starfsmönnum falið að gera tillögur að verklýsingu og leggja fyrir á næsta fundi.

2.      Framkvæmdir

Reynir gerði grein fyrir undirbúningi vegna Álaugareyjarbryggju.  Hafnarstjórn leggur til að framkvæmdir hefjist í mars.  Hafnarstjórn leggur áherslu á að fá útboðsgögn til skoðunar.

Rætt um kostnaðaráætlun vegna endurbóta á Vogarbryggju.  Samþykkt að kaupa efni í bryggjuna á þessu ári en stefnt að framkvæma verkið á næsta fjárhagsári.

Lögð fram kostnaðaráætlun vegna stækkunar á upptöku fyrir smábáta.  Hafnarstjórn felur starfsmönnum að leita eftir tilboðum í verkið.  Stefnt að verklokum þann 30. október.

Rætt um frágang við Bátstangabryggju.  Starfsmönnum falið að gera tillögu að frágangi.

3.      Hafnafundur á Ísafirði

Hafnarstjórn er sammála um að formaður hafnarstjórnar og hafnarstjóri sæki fundinn f.h. hafnarinnar.

4.      Kynnisferð um hafnir á Austurlandi

Stefnt að ferð um mánaðarmótin september október

5.      Önnur mál

·        Umræður sköpuðust um framtíð dæluprammans Soffíu.  Einnig rætt um Hedda frænda og kostnað hafna við förgun skipa.

   Fundi slitið kl. 13.40