Fundargerð Hafnarstjórnar 48

48. fundur

Fundur haldinn í hafnarstjórn Hornafjarðarhafnar í fundarsal ráðhúss föstudaginn 27. júní, kl. 12:00.
Mætt voru: Ari Jónsson formaður, Reynir Arnarson, Friðþór Harðarsson, Halldór Tjörvi Einarsson, Ásgeir Gunnarsson, Albert Eymundsson, Sigfús Harðarson og Helgi Már Pálsson.


1. Fundargerðir
• Hafnarstjórn Hornafjarðarhafnar 47. fundur 11. júní 2003.
Fundargerð samþykkt

2. Ný hafnarlög
Farið var lauslega yfir ný hafnarlög nr 61/2003 og kynningarfund sem haldinn var á Reyðarfirði fyrr í þessum mánuði. Nefndarmenn voru hvattir til að kynna sér þessi gögn vandlega.
Í nýjum hafnarlögum er gert ráð fyrir að breyta megi rekstrarformi hafna. Hafnarstjórn leggur til að rekstrarform Hornafjarðarhafnar verði óbreytt eftir gildistöku laganna 1. júli n.k.

3. Gjaldskrá
Albert fór yfir tillögu að gjaldskrá fyrir höfnina byggða á gjaldskrá ráðuneytisins vegna tilkomu nýrra hafnarlaga. Gjaldskráin var gefin út af samgönguráðuneytinu 21. maí s.l. og á að taka gildi 1. júli n.k.
Þjónustuskráin er óbreytt frá því í mars s.l.
Sigfús taldi rétt að hækka bryggjugjöld um 20 %
Reynir taldi rétt að setja á farþegagjald.
Gjaldskráin var samþykkt með þeirri breytingu að bryggjugjaldið yrði 2,16 í stað 1,80, farþegagjald verði lagt á og vatn til smábáta verði 700 kr. pr. mánuð. Lágmarksgjald til skipa vegna vatnssölu miðast við 10 tonn af vatni.

4. Bréf UST vegna dýpkunar á innsiglingarennu
Helgi Már kynnti bréf frá Umhverfisstofnun, dags. 13. júni, þar sem heimild er fyrir að varpa dýpkunarefni úr Grynnslunum suður af þeim og umsögn þeirra vegna frekari framkvæmda. Hann kynnti einnig bréf frá Hafró vegna rannsóknarkostnaðar þeirra á lífríki við Grynnslin vegna framkvæmdanna og að von væri á svari frá Iðnaðarráðuneytinu.
Unnið er að gerð útboðsgagna hjá Siglingastofnun. Hafnarstjórn leggur mikla áherslu á að fyrri tímaáætlanir standist.

5. Önnur mál
Helgi Már gerði grein fyrir dýpkun innan hafnar á þessu ári. Fram koma að áætlað magn úr ytri höfninni milli Álaugareyjar og Loðnubryggju er allt að 7.000 rúmmetrar, m.v. 7,5 metra dýpi og af svæði suður af Álaugareyjarbryggju er allt að 6.000 rúmmetrar, miðað við dýpi 6,5 - 7,5 metrar.
Hægt er að byrja á þessari dýpkun eftir sumarfrí hafnarstarfsmanna, um mánaðarmótin ágúst / september. Hafnarstjóra falið að finna lausn á þessu máli sem fyrst.
Einnig voru kynntar tvær síðustu mælingar af Grynnslunum, en þær voru framkvæmdar fyrr í þessum mánuði.
Ari ræddi um að upplýsingar vanti á heimasíðu sveitarfélagsins um málefni hafnarinnar.




Fundi slitið 13:40


Ari Jónsson
Friðþór Harðarsson
Reynir Arnarson
Halldór Tjörvi Einarsson
Ásgeir Gunnarsson

Albert Eymundsson
Helgi Már Pálsson
Sigfús Harðarson