Fundargerð hafnarstjórnar 58

58. fundur

Fundur haldinn     í hafnarstjórn Hornafjarðarhafnar í fundarsal ráðhúss miðvikudaginn 2. júní  2004,  kl. 20:00.

Mætt voru:     Ari Jónsson formaður, Reynir Arnarson og  Friðþór Harðarson.  Sömuleiðis starfsmenn Albert Eymundsson, Helgi Már Pálsson og Sigfús Harðarsson

1.                  Fundargerð síðasta fundar

Engar athugasemdir.

2.                  Krosseyjarbakki – tilboð

Ari gerði grein fyrir fundi hans og Alberts hjá Siglingastofnun í síðustu viku þar sem farið var yfir fyrirhugaða framkvæmd við Krosseyjarþilið, aðgerðir við Suðurfjörugarðinn og dýpkun á Grynnslunum.

Rætt var við væntanlegan verktaka um framkvæmdirnar við Krosseyjarþilið, en ekki hafa borist fullnægjandi gögn eins og óskað var eftir. Mikilvægt er að fá þessi gögn fyrir lok þessarar viku þannig að hægt verði að ganga frá verksamning og hefja verkið, en mikil áhersla er lögð á að því verði lokið á réttum tíma.

Formaður hafnarstjórnar lýsir yfir óánægju sinni vegna þess að ekki skuli liggja fyrir umbeðin gögn skv. fyrrnefndum fundi hjá Siglingastofnun í síðustu viku eins og samþykkt var.

Ljóst er að fara þarf í viðgerðir á Suðurfjörugarðinum á næstu árum.

Albert kynnti frumáætlun Siglingarstofnunar / heimamanna vegna framkvæmda til ársins 2008.

3.                  Dæling á Grynnslunum

Ekki hefur verið tekin ákvörðun um staðsetningu á nýrri innsiglingarrennu á Grynnslunum en valið stendur á milli 3ja staðsetninga. Samþykkt var að fresta þessu máli til næsta fundar. Ekki hefur verið samið við neinn verktaka vegna verksins en Siglingastofnun er að skoða málin í tengslum við önnur verk.

4.                  Bílamál hafnarinnar

Albert gerði grein fyrir kaupum á nýjum bíl fyrir höfnina.

Ekki eru gerðar athugasemdir við þessi kaup.

5.                  Bátakerrugjald

Albert gerði grein fyrir tölvubréfi frá Gísla Geir Sigurjónssyni, dags. 14. maí 2004. þar sem hann leggur til að bátakerrugjald verði lagt niður.

Nefndin telur að nauðsynlegt er að geta boðið upp á aðstöðu til að geyma bátakerrur. Ekki er lagalegar heimildir fyrir því að leggja þetta gjald niður, þar sem hér er um veitta þjónustu að ræða.

6.                  Önnur mál

Albert dreifði yfirliti um afkomu hafna, fjárhagur og gjaldskrá árið 2002 frá Hafnarsambandi sveitarfélaga.  Nánar verður fjallað um þessi gögn á næsta fundi.

Hann dreifði einnig rammareglugerð frá Samgönguráðuneytinu, sem samin hefur verið í samráði við Siglingastofnun Íslands, Hafnarsamband sveitarfélaga og hafnarráð og nota má sem fyrirmynd við endurskoðun á gildandi hafnarreglugerðum.

Friðþór spurðist fyrir um viðræður við Djúpavogshöfn. Beðið er eftir viðbrögðum frá Djúpavogi um framhald málsins.

Kynntar voru myndir af fyrrnefndum skemmdum við Suðurfjörugarðinn utanverðan og dýptarmæling af Grynnslunum. Nánar verður fjallað um þessa mælingu á næsta fundi.