Fundargerð Hafnarstjórnar

34. fundur

Fundur haldinn í hafnarstjórn Hornafjarðarhafnar í fundarsal ráðhúss miðvikudaginn 11. febrúar, kl. 20:10.

Mætt voru: Ari Jónsson formaður, Hermann Stefánsson, Elvar Unnsteinsson, Kristinn Guðmundsson, Björn E Traustason, Hjördís Þóra Sigurþórsdóttir, Reynir Arnarson, Albert Eymundsson hafnarstjóri, Sigfús Harðarson og Helgi Már Pálsson starfsmenn.

Ari Jónsson setti fund og bauð fundarmenn velkomna.



1. Fundargerð síðasta fundar

Engar athugasemdir



2. Úttekt og hagræðing á rekstrinum

Albert kynnti stöðu mála. Samið hefur verið við ráðgjafa hjá D&T.



3. Umsókn um fiskeldi á Suðurfjörum

Kynnt var bréf frá Elvari Unnsteinssyni dags. 30. janúar s.l. þar sem óskað er eftir leyfi til tilraunareldis á þorski í kerjum á Suðurfjörum. Óskað er eftir leyfi til 2ja ára. Einnig er óskað eftir 10 ára forgang til þorskeldis á svæðinu og að hafnarnefnd yrði innan handar meðan verkið væri á tilraunarstigi t.d. með lóðsbát.

Elvar Unnsteinsson vék af fundi við afgreiðslu málsins.

Sigfús benti á að talsvert rof hafi átt sér stað þarna og beindi því til nefndarinnar að fara í vettvangsskoðun.

Nefndarmenn tóku jákvætt í erindið og fela hafnarstjóra að vinna málið með umsækjanda.



4. Bréf um endurskoðun sjóvarnaráætlunar 2003 - 2006

Albert kynnti bréf frá Siglingastofnun, dags. 29. janúar s.l. Að höfðu samráði við Gísla Viggósson Siglingastofnun telur hann að ekki sé ástæða til að gera neina tillögu um ábendingar vegna framkvæmd hér á Hornafirði þetta tímabil.



5. Fundargerð stjórnar Hafnarsambans sveitarfélaga 250. fundur

Til kynningar. Engar athugasemdir.



6. Staða verka

Helgi Már kynnti stöðu verka við smábátahöfnog löndunarkrana og leiðigarða.

Ný verklok eru 1. maí vegna leiðigarða og lok mars vegna smábátahafnar.

Rætt var um staðsetningu á löndunarkrana og dagsektir á verkum.



7. Dýpkun - áætlun og skipulag

Helgi Már og Sigfús kynntu áætlun um dælingu á árinu 2002. Gert er ráð fyrir að dæla samtals 25.000 rúmmetrum úr höfninni á þessu ári. 8.000 rúmmetrar úr ytri höfninni, 12.000 rúmmetrum úr innri höfn inni og 5.000 rúmmetrum úr rennunni þar á milli. Í byrjun verði þessu efni dælt í hólf sunnan Ferjukletta í Óslandi og síðan í væntanleg fyllingarhólf sunnan Óslands.

Áætlað er að farið verði í viðgerðir á botni Soffíu frá júlí til september á þessu ári.

Rætt var um viðgerðartíma og dæluafköst Soffíu og væntanleg svæði til að dæla efni á. Minnt var á fyrri samþykktir um dælingu á efni.

Áætlunin samþykkt

Ari vakti athygli á að fram þyrfti að koma áður samþykkt dýpi í þessum hólfum.



8. Önnur mál

· Rætt var um að raða grjóti vestan við gömlu loðnubryggjuna.

· Albert dreifði gögnum frá Landvernd, til kynningar

· Hermann gerði athugasemd við boðun funda þar sem fundarboð barst sama dag og fundur var haldinn.







Fleira var ekki tekið fyrir á fundinum fundi slitið kl.22:10



Ari Jónsson

Elvar Unnsteinsson Albert Eymundsson

Hermann Stefánsson Sigfús Harðarson

Reynir Arnarson Helgi Már Pálsson

Hjördís Þóra Sigurþórsdóttir

Kristinn Guðmundsson

Björn E Traustason