Fundargerð hafnarstjórnar 68

68. fundur

Hafnarstjórn Hornafjarðarhafnar 68. fundur

Fundur haldinn í hafnarstjórn Hornafjarðarhafnar í fundarsal ráðhúss miðvikudaginn 11. maí 2005, kl. 20:00

Mætt voru: Ari Jónsson formaður, Reynir Arnarson og Halldór Tjörvi Einarsson. Sömuleiðis starfsmenn, Albert Eymundsson, Ásta H Guðmundsdóttir og Helgi Már Pálsson.

1. Fundargerð síðasta fundar

Engar athugasemdir

2. Ársreikningar 2004

Albert kynnti ársreikninga hafnarinnar fyrir árið 2004. Rekstrartekjur námu um 86,8 mkr., rekstragjöld eru um 70,2 mkr., fjármagnsgjöld námu um 4,7 mkr. og niðurstaða sýnir hagnað sem nemur um 12,0 mkr. Fjárfestingar námu um 28,2 mkr. þ.a. voru fjárfestingar vegna Krosseyjarbakka um 25,0 mkr. Afborganir af lánum voru um 3,0 mkr. Tekin voru langtímalán sem námu 40,0 mkr. Hafnarstjórn samþykkir framlagðan reikning og vísar honum til annarar umræðu í bæjarstjórn.

3. Rekstrarstaða 10. maí 2005

Lagt var fram yfirlit yfir reksturinn fyrstu fjóra mánuði ársins og er hann í samræmi við fjárhagsáætlun.

4. Hafnarreglugerð

Engar athugasemdir eru gerðar við reglugerðina og er henni vísað áfram til afgreiðslu í bæjarstjórn.

5. Staða framkvæmda

Helgi Már gerði grein fyrir framvindu verksins við Krosseyjarþilið. Verktaki er um viku til tíu dögum á eftir áætlun í einstaka verkþáttum, en það ætti ekki að hafa áhrif á verklok, sem áætluð eru 15. ágúst n.k. Heildarstaða verksins er um 37 % . Auk þess hafa verið greiddar um 791 þkr í aukaverk. Albert upplýsti að verktaki væri væntanlegur vegna dýpkunar á Grynnslunum í lok mánaðarins.

Farið var yfir bréf frá Siglingastofnun vegna samanburðar á fyrirhugaðri netagerðarbryggju í Óslandi úr tré eða stáli. Fram kom að trébryggja væri lítið eitt ódýrari og framkvæmdatími og afgreiðslufrestur á efni væri svipaður. Hvað varðar staðsetningu bryggjunnar þá er starfsmönnum falið að skoða það mál áfram með Siglingastofnun. Kostnaður við viðgerðir þekjunnar á Álaugareyjarbryggju gæti orðið allt að 2,5 – 3,0 mkr ef leggja ætti malbik á gömlu þekjuna. Hægt væri að laga einstaka hluta hennar eða aksturslínur og þá væri þessi kostnaður lægri eftir umfangi viðgerða. Einnig væri hægt að leggja klæðningu á þekjuna og gæti kostnaður þá orðið allt að 800 – 1.000 þkr. Samþykkt var að fara í lágmarkslagfæringar á þekjunni sem gætu numið allt að 500 þkr.

 Rætt var um þörf á áframhaldandi viðhaldi á grjóthleðslu á strandlínu hafnarinnar og sérstaklega rætt um svæðið norðan við Hvammskrók / Akurey. Samþykkt að huga að endurbótum ef þær rúmast innan fjárhagsáætlunar ársins.

6. Önnur mál

Helgi Már kynnti tilboð frá Ísmar vegna GPS mælitækja sem gefur möguleika á meiri nákvæmni í dýptarmælingum með Birni Lóðs. Starfsmönnum falið að ganga frá kaupum á tækinu.

Fundi slitið kl. 23:00