Fundargerð Hafnarstjórnar 55

55 fundur

Fundur haldinn í hafnarstjórn Hornafjarðarhafnar í fundarsal ráðhúss miðvikudaginn 21. apríl 2004, kl. 20:00.
Mætt voru: Ari Jónsson formaður, Ásgeir Gunnarsson, Halldór Tjörvi Einarsson og Sigurður Ólafsson. Sömuleiðis starfsmenn Albert Eymundsson, Sigfús Harðarsson og Vignir Júlíusson sem ritaði fundargerð.

1. Fundargerð síðasta fundar
Engar athugasemdir.

2. Mælingar á Grynnslum
Vignir Júlíusson gerði grein fyrir síðustu mælingu frá 07.04.04. Þar kom m.a. fram að litlar breytingar hafa orðið frá næstsíðustu mælingu. Vignir tók fram að taka verði þessari mælingu með fyrirvara vegna aðstæðna sem voru þegar mælingin var framkvæmd.
Umræður urðu um frammhald á tilraunadýpkun á Grynnslunum. Fundarmenn sammála um að halda fyrri samþyktum um málið. Rætt um bætur á merkingum (TD merkingu á Hleininni) í innsiglingunni og minnt á fyrri bókanir.

3. Dýpkun
Albert fór yfir útsend gögn um forgangsröðun á dýpkun innan hafnarinnar. Þar er gert ráð fyrir að dýpka samtals um 16.400 rúmmetra í hólfum E1, E2 og G til að ná nægjanlegu dýpi eins og gert er ráð fyrir.
Fundarmenn sammála um að klára þetta magn á þessu svæði.
Auk þessarar dýpkunar er fyrirliggjandi að dýpka inn við endurbætt þil við Krossey. Nokkrar umræður um svæði til að dæla upp á. Hafnarstjóra falið að vinna áfram að málinu.

4. Útboð á Krosseyjarþili
Albert greindi frá því að útboðsgögn væru í lokavinnslu og gert væri ráð fyrir að útboðið um helgina.
Fundarmenn ánægðir með framgang mála.

5. ICEcoast 2005
Rætt var um kynningartexta á ráðstefnunni sem fer á heimasíðu ráðstefnunnar.
6. Bréf Ísfells dags. 24. mars 2004
Farið var yfir og ræddar hugmyndir sem fram koma í bréfi Ísfells ehf um aðstöðu við höfnina vegna aukinna umsvifa Veiðafæragerðar Hornafjarðar sem fyrirtækið hefur keypt. Hafnarstjórn fagnar erindinu og felur Hafnarstjóra að vinna áfram að málinu með þeim aðilum sem við á.

7. Til kynningar
Bréf Siglingarstofnunar vegna verndaráætlunar Hornafjarðarhafnar þar sem segir: “Verndaráætlunin er vel unnin og skipulega sett fram. Við vitum að það hefur farið fram mikil vinna vegna siglingaverndar og hér með vil ég hrósa ykkur fyrir vel unnið starf.”
Hafnarstjórn lýstu yfir ánægju með þennan vitnisburð og þakkar starfsmönnum fyrir þeirra framlag.
Töluverðar umræður urðu um framkvæmd hafnarverndarinnar og gerði Ari grein fyrir umfjöllun um málið í stjórn Hafnarsambandsins.

8. Önnur mál
Albert gerði grein fyrir stöðu mála í sambandi við innheimtu reikninga. Hafnarstjórn ítrekar fyrri samþykktir sínar um kerfisbundnar innheimtuaðgerðir.


Fundi slitið 22:22


Albert Eymundsson
Sigfús Harðarsson
Vignir Júlíusson


Ari Jónsson
Sigurður Ólafsson
Ásgeir Gunnarsson
Halldór Tjörvi Einarsson