Fundargerð félagsmálaráðs 154

154. fundur

Fundur haldinn í félagsmálaráði Hornafjarðar í ráðhúsi þriðjudaginn 14.nóvember 2006,

kl 16.10.

Mætt voru: Björg Svavarsdóttir, Erna Gísladóttir, Guðrún Jónsdóttir, Guðmundur I. Sigbjörnsson, Þorbjörg Helgadóttir og Jón Kristján Rögnvaldsson.

Gengið var til dagskrár og eftirfarandi tekið fyrir:

1.    Einstaklingsmál, færð í trúnaðarbók.         

2.      Önnur mál

·        Umræða um reglur um daggæslu í heimahúsum. Ákveðið að vísa reglunum til dagforeldra til skoðunar og bæjarráðs til frekari afgreiðslu geri dagforeldrar ekki athugasemdir.

·        Umræða um reglur um niðurgreiðslu daggæslu í heimahúsum. Reglur samþykktar af hálfu félagsmálaráðs og vísað áfram til bæjarráðs. Félagsmálaráð mælir með því að greiddur verði mismunur leikskólagjalds og gjaldskrár dagforeldra.

·        Erindi Vímulausrar æsku um styrkbeiðni tekið fyrir og synjað. Ákveðið að styrkja frekar forvarnarverkefni í sveitarfélaginu.

·        Erindi SSA um þjónustu við innflytjendur tekið fyrir. Ákveðið að bíða eftir skýrslu frá starfshópi SSA og skoða málin í framhaldinu.

·        Félagsmálaráð mælir með að bæjarráð hrindi af stað umræðu um félagslíf unglinga á grunn-og framhaldsskólaaldri með forvarnir í huga. Margt er hægt að gera betur og er það skoðun ráðsins að starfssemi kvikmyndahúss í sveitarfélaginu og efling ungmennastarfs björgunarsveitarinnar og skátastarfs ætti að vera í forgangi.

Fundi slitið kl. 17:45.