Fundargerð félagsmálaráðs 123

123. fundur

Mætt voru:  Sigurbjörg Karlsdóttir, Þorbjörg Helgadóttir, Björg Svavarsdóttir,  Guðrún Jónsdóttir, Guðmundur Ingi Sigbjörnsson og  Birgir Þ. Kjartansson félagsmálastjóri.

1. Einstaklingsmál, fært í trúnaðarbók.

2. Önnur mál

a) Félagsmálastjóri kynnti drög að verklagsreglum vegna ráðstöfun barna  ífóstur.  Félagsmálaráð samþykkir neðanskráðar reglur.

XII. KAFLA BARNAVERNDARLAGA  NR. 80/2002,  UM RÁÐSTÖFUN BARNA Í FÓSTUR

65. GR.

Með fóstri er í lögum átt við að barnaverndarnefnd feli sérstökum fósturforeldrum umsjá barns í a.m.k. þrjá mánuði þegar:

foreldrar sem fara með forsjá barns afsala sér forsjá til barnaverndarnefndar eða samþykkja fóstur,

barn er forsjárlaust, svo sem vegna andláts foreldris, ekki næst til foreldris eða öðrum sambærilegum ástæðum,

foreldrar hafa verið sviptir forsjá skv. 29. gr.

BARNAVERNDARNEFND HORNAFJARÐAR

VERKLAGSREGLUR VEGNA RÁÐSTÖFUN BARNA Í FÓSTUR

XII. KAFLA BARNAVERNDARLAGA  NR. 80/2002,

UM RÁÐSTÖFUN BARNA Í FÓSTUR

65. GR. 

Með fóstri er í lögum átt við að barnaverndarnefnd feli sérstökum fósturforeldrum umsjá barns í a.m.k. þrjá mánuði þegar:

· foreldrar sem fara með forsjá barns afsala sér forsjá til barnaverndarnefndar eða samþykkja fóstur,

· barn er forsjárlaust, svo sem vegna andláts foreldris, ekki næst til foreldris eða öðrum sambærilegum ástæðum,

· foreldrar hafa verið sviptir forsjá skv. 29. gr.

Fósturheimili er valið í samráði við Barnaverndarstofu með hliðsjón af þörfum barnsins.

Áhersla sé lögð á að markmið fósturráðstafana sé skýrt frá upphafi.

Mikilvægt er að barn fái skýrar upplýsingar um væntanlegt fóstur:

·  hvað því sé ætlað að vara lengi,

· hvort það eigi að fara aftur til foreldra sinna,

· hvernig umgengni verði háttað,

· símtöl og heimsóknir.

Í þeim tilvikum þar sem um eldri börn er að ræða (9-16 ára) er nokkuð um tímabundið fóstur þar sem barninu er ætlað að vera í fóstri grunnskólaárið.

Slíkt fyrirkomulag hefur gefist vel og er talið góður kostur gagnvart:

· barninu sjálfu sem þá á áfram sitt heimili og hefur eftir því sem við á sterk tengsl heim,

· foreldrum finnst þeir síður vera að láta barnið frá sér,

· barnið kemur heim á stórhátíðum og auk þess í mörgum tilvikum einu sinni í mánuði í helgarfrí,

· fósturforeldrum sem taka þá barnið að sér meira til uppeldis, og er ekki ætlað að líta á það sem sitt eigið,

· skólanum sem þá fær greiðslur með barninu frá vistunarsveitarfélaginu,

· vistunaraðilum sem eiga oft betri samskipti við foreldra og barn.

1. Verklagsreglur vegna eftirlits og ráðgjafar með fóstri barns

· Félagsmálastjóri hefur umsjón með fósturmálum.

· Fyrsta vistunarárið skal farið á fósturheimili 2 - 4 sinnum, eftir því sem þörf er á. Eftir það skal farið 1 - 2 sinnum yfir árið á hvert fósturheimili.

· Samskipti við fósturheimiliðmeð símaviðtölum skal vera eins oft og þurfa þykir.

· Fósturforeldrar hafa aðgang að félagsmálastjóra eftir þörfum.

· Fósturforeldrum stendur til boða sérfræðiþjónusta sveitarfélagsins.

· Starfsmaður barnaverndarnefndar skal hafa sem best samskipti við viðkomandi skólayfirvöld og skólinn heimsóttur eftir því sem kostur er í tengslum við heimsókn á fósturheimilið.

2. Verklagsreglur vegna fóstur barns

Áður en fóstur barns og fóstursamningur er í höfn þarf eftirtöldum atriðum að vera lokið

· Undirritað samþykki kynforeldra þar sem það á við.

· Undirritað samþykki Barnaverndarstofu liggi fyrir.

· Úttekt og samþykki barnaverndaryfirvalda í sveitarfélagi fósturforeldra liggi fyrir.

· Undirritað samþykki viðkomandi lögheimilissveitarfélags um skólagöngu.

· Undirritað samþykki skólanefndar í umdæmi fósturforeldra.

· Samningur um fósturlaun.

· Fóstursamningur undirritaður með vottum.

· Umgengni við kynforeldra og aðra ættingja liggi fyrir.

· Tilkynning send Hagstofu Íslands, þjóðskrá.

· Tilkynning send til Tryggingastofnunar ríkisins þar sem það á við, vegna meðlagsgreiðslna.

· Tilkynning send Barnaverndarstofu.

b) Félagsmálastjóri afhenti fulltrúum í félagsmálaráði möppur með hinum nýju samþykktu reglum.

· Reglur um könnun og meðferð einstakra barnaverndarmála eða málaflokka hjá starfsmanni Félagsmálaráðs Hornafjarðar.

· Verklagsreglur barnaverndarnefndar Hornafjarðar um könnun og meðferð mála sem undir hana heyra og umboð starfsmanns.

· Reglur um styrki til greiðslu lögmannskostnaðar sbr. 2.mgr. 47. gr. barnaverndarlaga nr. 80/2002.

 Fundi slitið kl. 17:00