Sveinbjörg íslandsmeistari í langstökki kvenna.
Sveinbjörg Zophoníasdóttir USÚ varð íslandsmeistari í langstökki um síðustu helgi og bætti hún gamla metið sitt um 10 cm. og stökk 5.98m.
Sveinbjörg bætti sig einnig í 60 m. hlaupi, hljóp á 8.13 sek. en nokkurra daga gamalt USÚ met var 8.19 sek. Mikil keppni var í langstökkinu þar sem þær allra sterkustu í greininni þátt. Einar Ásgeir Ásgeirsson tók einnig þátt í mótinu og varð í 4. sæti í sínum greinum, 800 m. og 1500 m., hann bætti sig í 1500 m. hlaupi, hljóp á 4.22.23 mín., og var aðeins hársbreidd frá 3. sætinu. Þau Sveinbjörg og Einar eru búin að eiga flott innanhússtímabil en nú er því lokið og tekur þá við áframhaldandi uppbygging fyrir sumarið. Þess má geta að Bjarni Malmquist frá Jaðri landaði 3 silfrum, í langstökki, 400 m. og boðhlaupi og Vigfús Dan varð 4. í kúluvarpi, kastaði 14.11 m. Svo það má nú segja að Hornfirðingar hafi staðið í eldlínunni á Meistaramóti Íslands um helgina þar sem 171 keppandi keppti.
Skrifa athugasemd