Landsliðskonur í fótbolta á Höfn
Landsliðskonurnar Katrín Ómarsdóttir og Þóra B. Helgadóttir munu heimsækja nokkur bæjarfélög á norðaustur- og austurlandi dagana 20.-23. júlí og stýra þar æfingum fyrir ungar knattspyrnustelpur.
Þóra hefur undanfarin ár skipað sér sess sem einn fremsti markvörður Evrópu og leikur sem atvinnumaður með besta félagsliði Svíþjóðar, LdB Malmö. Katrín Ómarsdóttir er einn fjögurra Íslendinga sem leikur með Kristianstads DFF og hefur skorað tvö mörk í átta leikjum á yfirstandandi tímabili. Þóra á að baki 74 landsleiki fyrir A-landslið kvenna og Katrín 32 landsleiki. Það er því ljóst að þær stöllur búa yfir mikilli reynslu sem þær munu miðla af til stelpnanna á ferð sinni um norðaustur- og austurland.
Dagskrá ferðarinnar er sem hér segir:
Þriðjudagur 20. júlí
Höfn
13:30-15:00 Æfing 6. og 7. flokkur kvenna
15:15-15:45 Fyrirlestur fyrir 3. 4. og 5. flokk kvenna í Nýheimum
16:00-17:30 Æfing 3. 4. og 5. flokkur kvenna
Skrifa athugasemd