Pistlar og pólitík
Eygló Harðardóttir og Sigurður Ingi Jóhannsson
Framsókn með aukakjördæmisþing í Hvoli Hvolsvelli, 14. febrúar
Undirbúningur fyrir Alþingiskosningar er sem óðast að komast á fullt skrið. Svo á við hjá Framsóknarmönnum sem öðrum. Fulltrúar frá Framsóknarfélagi Austur Skaftfellinga munu um helgina, þ.e. laugardaginn 14. febrúar n.k. mæta á aukakjördæmisþing framsóknarfélaganna í Suðurkjördæmi. Þingið verður haldið í félagsheimilinu Hvoli á Hvolsvelli og hefst það kl. 13:00. Á þinginu verður ákveðið með hvaða hætti frambjóðendur verða valdir á framboðslista flokksins í Suðurkjördæmi fyrir alþingiskosningar þann 25. apríl. Kjörnir fulltrúar framsóknarfélaganna í Suðurkjördæmi hafa atkvæðisrétt á þinginu.
Þegar hafa tveir aðilar gefið kost á sér til forystu á framboðslista Framsóknarflokksins í Suðurkjördæmi, en það eru þau Eygló Harðardóttir, alþingismaður og Sigurður Ingi Jóhannsson, oddviti í Hrunamannahreppi.
Stjórnin
Skrifa athugasemd