Guðrún Erlingsdóttir fundar með Hornfirðingum
Það hefur væntanlega ekki farið fram hjá nokkrum manni að prófkjör flokkanna eru í fullum gangi þessa dagana. Opið prófkjör Samfylkingarinnar þar sem allir kosningabærir menn í Suðurkjördæmi hafa rétt til þess að kjósa án þess að skuldbinda sig flokknum á nokkurn hátt fer fram laugardaginn 4. nóvember. Nú eru frambjóðendur á fullu að kynna sig og sín stefnumál. Guðrún Erlingsdóttir er einn þeirra frambjóðenda sem hefur áhuga á því og ætlar hún því að hitta Hornfirðinga sunnudaginn 22. október kl. 16:30 húsi Vökuls við Víkurbraut ásamt Ragnheiði Hergeirsdóttur. Þar ætlar Guðrún að spjalla við kjósendur um það sem þeim brennur á hjarta. Hún ætlar líka að skýra frá sínum áherslumálum og kynnast því hvað það er helst sem brennur á íbúum þessa svæðis. Þetta er gott tækifæri fyrir kjósendur til þess að koma og heyra hvað Guðrún hefur að segja um þau málefni sem á okkur brenna.
Guðrún Erlingsdóttir er formaður Verslunarmannafélags Vestmannaeyja og fulltrúi Vestmannaeyjalistans í bæjarstjórn í átta ár. Hún sækist eftir 3. ? 4. sæti á lista Samfylkingarinnar í komandi Alþingiskosningum.
- Stjórn Samfylkingarinnar á Hornafirði
Skrifa athugasemd