Menning
Þetta vilja börnin sjá
Sýning á myndskreytingum í íslenskum barnabókum 2009
Sýningin Þetta vilja börnin verður opnuð í Nýheimum á föstudaginn og stendur til 12. apríl. Að þessu sinni eru sýndar myndir eftir 25 myndskreyta úr 33 barnabókum. Sýning er upp sett af myndskreytingum úr íslenskum barnabókum sem komu út árið 2009. Sýningin hefur verið haldin árlega í Menningarmiðstöðinni Gerðubergi í Reykjavík frá árinu 2002 og myndirnar á sýningunni keppa jafnframt um íslensku myndskreyti verðlaunin Dimmalimm. Að verðlaununum standa Félag íslenskra bókaútgefanda, Félag íslenskra teiknara, Myndstef og Penninn ástamt Gerðubergi. Dimmalimm verðlaunin árið 2010 hlaut Ragnheiður Gestsdóttir fyrir bókina Ef væri ég söngvari.
