Opnun áhugaljósmyndasýningar í Pakkhúsinu
Ljósmyndasýning áhugaljósmyndara í Pakkhúsinu
Í gær opnaði annað árið í röð glæsileg sýning áhugaljósmyndara í Pakkhúsinu. Ljósmyndararnir sem tóku þátt voru 41 talsins og eru yfir 400 myndir á sýningunni. 27 myndir frá 27 ljósmyndurum voru rammaðar inn og hanga á veggjum Pakkhússins, öðrum myndum er svo varpað upp á tjald. Sigurður Mar Halldórsson valdi inn myndir á sýninguna en þess má geta að um 600 myndir voru sendar inn. Um 40 mínútur tekur að skoða allar myndirnar sem varpað er upp með skjávarpa og inniheldur sú sýning 384 myndir. Þema sýningarinnar að þessu sinni er RÍKI VATNAJÖKULS. Upplýsingar og myndir af ljósmyndurum sem taka þátt er einnig hægt að sjá á sýningunni og er yngsti ljósmyndarinn 15 ára, en sá elsti 63 ára. Sýningin verður opin út mars mánuð alla daga nema laugardaga frá klukkan 16:00 til 19:00. Allir eru velkomnir og heitt á könnunni.
