Menning
Ljósmyndamaraþon sýnt áfram í Nýheimum
Humarhátíðarhelgina fór fram Ljósmyndamaraþon á vegum Menningarmiðstöðvar. 11 manns skiluðu inn myndum og 110 myndir voru sýndar í einu af bilunum í Miklagarði föstudag, laugardag og sunnudag. Keppendur þurftu að skila inn 10 myndum og fengu ákveðin tíma til þess að skila af sér. Hver mynd var þematengd en þessi þemu voru: Væta, Appelsínugult, Notað, Mjúkt, Hvíld, Sæla, Hreyfing, Lostæti, Fólk og Höfn. Bestu myndina í maraþoninu átti Óðinn Eymundsson en hún var úr þemanu Mjúkt. Óvenjulegustu lausnina átti Björn Arnarsson en hún var úr þemanu Sæla. Bestu myndaröðina átti svo Anna Regína Heiðarsdóttir. Myndirnar verða sýndar í Nýheimum út vikuna svo það er um að gera að koma og skoða. Opnunartíminn er frá 10:00 til 16:00 alla virka daga.
