Þjóðahátíð og margt fleira í boði á sumardaginn fyrsta
Menningarmiðstöð Hornafjarðar ásamt Rauðakrossdeild Hornafjarðar standa fyrir Þjóðahátíð í Nýheimum á morgun, sumardaginn fyrsta. Í sveitarfélaginu býr fólk frá 19 löndum og hafa 10 ákveðið að taka þátt í hátíðinni en það eru:
Bosnía, Þýskaland, Sri Lanka, Færeyjar, Marokkó, Pólland, Holland, Tæland, Eþíópía og Ísland.
Á hátíðinni verður boðið upp á að hlusta á tónlist, skoða myndir og kort og sjá þjóðbúninga landanna og smakka á mat. Skjámyndakynning verður í fyrirlestrasalnum, Karlakórinn Jökull og Kvennakórinn syngja, Tónskólinn verður með atrið og Jóhann Kristófer spilar á ukulele.
Hátíðin hefst kl. 13.00 og stendur til kl. 16.00. Allir eru hjartanlega velkomnir og aðgangur ókeypis.
Auk þess sem Þjóðahátíðin verður í Nýheimum verður nýja sundlaugin opnuð kl. 10.30 Slysavarnakonur verða með sína árlegu kaffisölu í Slysavarnahúsinu kl. 14.00-18.00 og Karlakórinn Jökull með vortónleika í Hafnarkirkju kl. 20.00.
