Menning
María og Guðrún starfsmenn MMH dáðst að nýja kerfinu
Nýtt landskerfi bókasafna
5. apríl, tóku flest stærri almenningsbókasöfn landsins nýtt landskerfi bókasafna, Gegni, í notkun. Þeirra á meðal er Menningarmiðstöð Hornafjarðar í Nýheimum. Kerfið hafði áður verið tekið í notkun í háskóla- og sérfræðibókasöfnum. Gegnir leysir af hólmi eldri bókasafnskerfi og sameinar öll bókasöfn landsins í einu kerfi. Með því aukast möguleikar á samnýtingu á gríðarmiklum bóka- og upplýsingakosti á bókasöfnum landsins. Fyrstu daga hins nýja kerfis má búast við truflunum á afgreiðslu bókasafnsins í Nýheimum en eftir páska vonast starfsmenn til þess að vera búnir að ná góðum tökum á kerfinu.
Almenningur getur nýtt sér leitaraðgang í Gegni á vefnum www.gegnir.is
