Nú um síðustu helgi hófst verkefnið Evrópa unga fólksins. Markmið verkefnisins er að efla sjálfstraust fólks til að geta tekið þátt í umræðum um stöðu mála og getu til að hafa áhrif á samfélagið, stjórnendur og svo framvegis og aðalmarkmiðið er að efla ungt fólk á aldrinum 13 til 30 ára til þátttöku í mótun samfélagsins okkar

Þann 4. desember verður árlegur jólamarkaður í Nýheimum og Miðbæ. Markaðurinn hefur verið mjög vinsæll síðustu ár þannig að nú fer hver að verða síðastur að panta sér bás fyrir vörurnar sínar.

Yfirlitssýning á verkum David White stendur nú yfir í Nýheimum. Hann bjó á Hornafirði fyrir um 17 árum síðan og málaði fjöldann allan af málverkum á meðan á dvöl hans stóð.

Héraðsskjalasafn Austur- Skaftafellssýslu tekur þátt í opnu húsi í Borgarskjalasafni Reykjavíkur á laugardaginn. Þar verður einnig sýnd myndin "Í jöklanna skjóli" og Söngfélag Skaftfellinga syngur.

Þann 8. nóvember 2010 hófst Norræna bókasafnsvikan í fjórtánda skiptið og þemað í ár er ”Töfraheimar Norðursins”. Vikan er haldin með það fyrir augum að gæða norrænu sagnahefðina nýju lífi.