Feðgarnir Bergþór Pálsson og Bragi Bergþórsson ásamt Þóru Fríðu Sæmundsdóttur, undirleikara flytja ljúflingslög Inga T. Lárussonar á tónleikum í Nýheimum nk. laugardag. Tónleikar þessir eru hluti af dagskrá Franskra daga sem haldnir eru á Fáskrúðsfirði þessa helgi. Bergþór er Hornfirðingum að góðu kunnur en hann hefur, ásamt mörgum góðum tónlistarmönnum, haldið hér tónleika í tengslum við Franska daga undanfarin nokkur ár. Á efnisskrá tónleikanna eru lög eftir Seyðfirðinginn Inga T. Lárusson (1892-1946). Ingi T. Lárusson er eitt af ástsælustu tónskáldum þjóðarinnar og hvert mannsbarn þekkir lög eins og "Það er svo margt", "Hríslan og lækurinn", og "Ég bið að heilsa". Ljóðræna og fegurð eru hans aðalsmerki og í lögum hans er tónn sem snertir streng í hverju brjósti. Lesa meira

Þessa vikuna fóru krakkarnir í barnastarfi menningarmiðstöðvarinnar í Fjársjóðsferð á Melatanga. Frábær mæting var í ferðina eða 29 krakkar. Haukur í Fjöruferðum og Óskar ferjuðu krakkana yfir á Melatanga og svo hófst geysispennandi leit að fjársjóðnum. Helmingurinn af honum fannst svo í stýrishúsinu á sandinum og í Gömlu tundurdufli, hinn helmingurinn fannst með málmleitartæki í rústunum af flugvallarhúsinu. Lesa meira

Í kvöld , mánudaginn 21. júlí, mun evrópska hljómsveitin 'SLUGS' spila á tónleikum í Sindrabæ, Höfn í Hornafirði. Þetta eru síðustu tónleikar þeirra í þessari ferð um austurlandið sem hófst á Eistnaflugi á Neskaupsstað. Þeir hafa fengið góða dóma, spila af hamslausri gleði, eins og um líf og dauða sé að tefla, eða eins og hefur verið orðað sem "sense of danger" eða lífshættulegir straumar. Með þeim verða strákarnir í hljómsveitinni Minsk sem slógu í gegn á Humarhátíð. Tónleikarnir byrja klukkan níu og verða eflaust mjög góðir. Það kostar ekkert inn og eru allir velkomnir. Lesa meira

Sumargleðin er tónleikahringferð um landið með hljómsveitunum Benni Hemm Hemm, Borko, Morðingjarnir og Reykjavík! Lokatónleikar Sumargleðinnar á landsbyggðinni verða í Pakkhúsinu laugardagskvöldið 19. júlí og má þar búast við það verði pökkuð stemning. Miðaverð á hverja einu og einustu tónleika er ekki nema 1.000 kr. sem má teljast ansi sanngjarnt í kreppunni. Árni+1 mun sjá til þess að fólki leiðist ekki milli atriða með plötuþeytingi og svo er aldrei vita nema tónlistarmennirnir galdri ekki fram nýjar og spennandi hljómsveitir og tónlistaratriði. Lesa meira

Í þessari viku fóru krakkarnir í barnastarfi Menningarmiðstöðvarinnar í Lúruveiði. Farið var á bátum austan við Ægisíðuna og veitt í net. Krakkarnir Hjálpuðu þeim Bjössa og Gísla Karli að draga inn netið og taka Lúruna úr því og það var rosa fjör að fá að taka þátt í því, enda nóg af Lúru sem kom í netin. Á leiðinni heim var tekin smá útúrdúr og fuglalífið skoðað ásamt því að skipstjórinn sá til þess að allir blotnuðu, sumir blotnuðu alveg í gegn. Lesa meira

Á þriðjudaginn fór Menningamiðstöðin með krakkana í Barnastarfinu inn að Hólmi í Nesjum í fornleifarannsóknir. Þar tóku þeir Ármann og Bjarni fornleifafræðingar á móti okkur og fræddu okkur um fornleifarannsóknir og sögðu okkur hvernig það væri að vera fornleifafræðingur. Við byrjuðum á því að skoða Blóthús frá Landnámsöld, eða um 900 en þar voru heiðnar grafir sem að fannst kuml úr árið 1902. Einnig skoðuðum við uppgröft af öðrum húsum frá Landsnámsöld en þar var verið að grafa upp eldstæði meðal annars, ásamt því að við fengum að sjá muni sem fundust í uppgreftrinum. Við uppgröftinn komu í ljós gjóskulög sem að voru frá gosi í Öræfajökli árið 1362 og svo úr veiðivötnum árið 1477. Lesa meira

Hlynur Pálmason opnaði í gær sýningu sína "Sjónræn dagbók" Sýningin er fjölbreytt og myndirnar alveg meiriháttar sem sýnir að Hlynur er þarna á réttri leið hvað varðar nám og starf og verður gaman að fylgjast með honum í framtíðinni. Hornfirðingar og humarhátíðargestir eru hvattir til að koma við á Graðaloftinu og gefa sér góðan tíma til að skoða sýninguna. Aðeins smá ábending; gefið ykkur tíma til að skoða myndirnar á skjánum. Lesa meira

Djass bandið The Pitchfork Rebellion var stofnað í ársbyrjun 2007 og er starfrækt frá nágrenni Húsavíkur. Í bandinu eru þau Fanney Kristjánsdóttir söngkona og Héðinn Björnsson, þúsundþjalasmiður og kazzoleikari en stundum slást í för með þeim tónlestarmenn og konur úr ýmsum áttum. Þau spila aðallega notaleg gömul sígild djasslög og hafa hlotið fádæma lof hvar sem þau hafa komið við. Þau munu spila og syngja fyrir matargesti Humarhafnarinnar á föstudags- og laugardagskvöld. Lesa meira

Hallgrímur Ingólfsson opnar myndlistarsýningu í Humarhöfninni á föstudag. Hallgrímur sem er kennari við listnámsbraut VMA hefur teiknað og málað frá barnæsku. Hann er lærður innanhússarkitekt frá Skolen for boligindretning (Danmarks Designskole) í Kaupmannahöfn og nam eitt ár við Det Kongelige Danske Kunstakedemi í sömu borg og er með kennsluréttindi frá Háskólanum á Akureyri. Þetta er fjórða einkasýning Hallgríms sem hefur auk þess tekið þátt í nokkrum samsýningum. Myndefni Hallgríms er margbreytilegt, en þó má segja sjórinn sé honum hugleikinn og komi fram í flestum myndum hans. Lesa meira

Annað kvöld, miðvikudaginn 2. júlí verða tónleikar í Pakkhúsinu á Höfn í Hornafirði. Eru tónleikarnir haldnir í samstarfi við Menningarmiðstöð Hornafjarðar og má einnig segja að þetta sé fyrsti viðburður Humarhátíðar á Höfn sem fer fram næstu helgi. Á þessum tónleikum kemur fram hin tiltölulega nýja hljómsveit Hulda Rós og Rökkurtríóið. Hljómsveitin hefur nú þegar komið fram á tveimur tónlistarhátíðum á þessu ári, Norðurljósablús á Höfn og Hammondhátíð á Djúpavogi og fengið góða dóma. Hljómsveitina skipa Sigurður Guðnason á gítar, Bjartmar Ágústsson á kontrabassa og rafbassa, Eymundur Ragnarsson á trommur, Heiðar Sigurðsson á píanó og hammond ásamt Huldu Rós Sigurðardóttur sem syngur. Lesa meira