Á síðasta ári voru útlán í bókasafni Menningarmiðstöðvarinnar A-Skaft. tæp 26 þúsund eintök. Að sögn Guðnýjar Svavarsdóttur bókavarðar eru þetta aðeins færri útlán en árið 2005 en þá var metár í útlánum. Guðný segir að krakkarnir í Hafnar og Nesjaskóla séu mjög dugleg að lesa ef dæma má eftir útlánum í bókasöfnunum sem eru í skólunum. Vinsælasta og mest eftirsótta bókin núna er nýja skáldsagan Konungsbókin eftir Arnald Indriðason. Sögustundin hennar Ragnhildar Guðmundsdóttur fyrir 3-5 ára börnin, sem er einu sinni í viku yfir veturinn, er alltaf jafn vinsæl og meðan lesið er fyrir börnin eiga foreldrarnir notalega stund á safninu. Góð tölvuaðstaða er á safninu og er mikið notuð einkum af ferðamönnum og einnig af þeim sem eru tímabundið hér á staðnum. Lesa meira

Menningarráð Austurlands auglýsir eftir nú eftir umsóknum um styrki á grunni samnings sveitarfélaga á Austurlandi og menntamálaráðuneytis og samgönguráðuneytis um menningarmál. Þeir styrkir sem verða veittir eru til menningarstarfs og menningartengdrar ferðaþjónustu á Austurlandi. Ein úthlutun verður árið 2007, í byrjun mars. Einstaklingar, félagasamtök, fyrirtæki, stofnanir og sveitarfélög á Austurlandi geta sótt um styrki til margvíslegra menningarverkefna en skilyrði er að umsækjendur sýni fram á mótframlag. Áhersla við styrkveitingu 2007 verður samstarf milli tveggja eða fleiri aðila, byggðarlaga eða listgreina og uppsetning viðburða á fleiri en einum stað, nýsköpun á sviði lista- og menningarstarfs, verkefni sem miða að fjölgun starfa og verkefni sem stuðla að eflingu fagþekkingar á sviði menningar og lista. Lesa meira