Nú stendur fyrir dyrum að uppfæra bókasafnskerfið Gegni og því verður bókasafn Menningarmiðstöðvar lokað dagana 10.- 16.júlí. Áætlað er að taka nýju útgáfuna í notkun mánudaginn 17. júlí. Nýja útgáfan var hönnuð með það í huga að einfalda verkferla fyrir starfsfólk bókasafna og á því að vera talsvert auðveldari í notkun en sú fyrri. |Lokun kerfisins þessa daga er óhjákvæmileg og því hafa mörg bókasöfn tekið þá ákvörðum að loka alfarið þessa viku. Lánþegar geta skilað bókum í lúgu við inngang sem snýr að Kirkjubraut. Lesa meira

Hinn frábæri brasilíski söngvari og gítarleikari, Ife Tolentino mun koma til Hafnar og spila sólríka og seiðandi bossa nova- og sambatónlist fyrir Hornfirðinga. Ferðin til Hafnar er upphaf á ferð hans um landið en hann mun spila með félögum sínum á Vopnafirði, Seyðisfirði og í Reykjavík. Með honum koma fram þeir Ómar Guðjónsson gítar, Óskar Guðjónsson saxófónn (Meisalingar) og Þorvaldur Þór Þorvaldsson sem spilar á trommur. Þetta er í fimmta sinn sem Ife kemur til landsins og hefur hann ávallt fengið frábærar viðtökur og komið öllum í sumarskap. Lesa meira

Píanóleikarinn Ólafur Elíasson heldur tónleika í Nýheimum þriðjudagskvöldið 4. júlí. Á efnisskránni eru verk eftir Schubert og Debussy ásamt 7 píanóetýðum eftir Chopin, Liszt, Moszkowski og Schriabin. Etýðurnar (æfingarnar) eru á meðal erfiðustu verka píanóbókmenntanna og eru sumar jafnframt þekktustu píanóverk sögunnar svo sem La Campanella eftir Liszt og Byltingaretýðan eftir Chopin. Á tónleikunum mun Ólafur fjalla um verkin á léttum nótum og er þetta frábært tækifæri fyrir áhugamenn um sígilda tónlist til að kynnast heimi píanótónlistar. |nl|Ólafur var nemandi Rögnvaldar Sigurjónssonar heitins en stundaði framhaldsnám fyrst í París hjá hinum heimsþekkta píanóleikara Vlado Perlemuter og síðar í Englandi, m.a. við konunglega tónlistarháskólann í London (Royal Academy of Music) þar sem hann lauk einleikaraprófi 1994. Lesa meira