Í byrjun apríl, nánar tiltekið miðvikudaginn 5. verður tónlistarviðburður í Nýheimum sem enginn tónlistarunnandi ætti að láta fram hjá sér fara. Þá mæta þeir félagar, Bergþór Pálsson og Ólafur Kjartan Sigurðarson á staðinn til að syngja svokallaða Glúntasöngva. Þetta eru bráðskemmtilegir söngvar og eru þeir félagar með píanósnillinginn Jónas Ingimundarsson með sér til að sjá um undirleikinn. |Bergþór Pálsson var hér síðast ásamt þeim Ragga Bjarna og Þorgeiri Ástvaldssyni síðasta sumar , Ólafur Kjartan söng einsöng með Karlakórnum Jökli s.l. vor og Jónas Ingimundarsson hélt frábæra einleikstónleika Nýheimum í síðasta mánuði.| Lesa meira

Jöklasýningunni á Hornafirði og gildir kortið á sýninguna fyrir handhafa þess. Þetta er liður í kynningarátakinu að íbúum sveitarfélags sautján ára og eldri er send þessi kort. Viðtökur sýningarinnar hafa verið afar góðar og jókst fjöldi gesta úr rúmlega fjögur þúsund árið 2004 í rúmlega sjö þúsund árið 2005. Guðrún Jónsdóttir menningar- og upplýsingafulltrúi segir það mikið gleðiefni að heimamenn hafa tekið sýningunni opnum örmum og jákvætt viðhorf þeirra gagnvart sýningunni sé mikilvægt ef vel á að takast. Þegar tekin var ákvörðun um endurbætur sýningarinnar lá ljóst fyrir að markmiðið var að sýningin yrði sjálfbær innan þriggja ára og til þess að svo megi verða þurfa minnst 15.000 gestir að greiða aðgang á ári. Það skiptir því miklu að kynna sýninguna sem víðast og það skiptir líka miklu máli að íbúar sveitarfélagsins taki þátt í því og hvetji gesti og gangandi til að skoða sýninguna. Lesa meira