Í kvöld, miðvikudaginn 18. maí kl. 20:00 mun Háskólakórinn undir stjórn Hákonar Leifssonar flytja tónleika í Nýheimum. Kórinn býður Hornfirðingum að koma að hlýða á söng sinn í endurgjaldslaust. Þess má geta að Hákon var organisti í Hafnarkirkju í fjögur ár fyrir nokkrum árum. Kórinn mun flytja Hornfirðingum alíslenska dagskrá sem hann hefur verið að taka upp á geislaplötu að undanförnu. Þar eru aðallega lög sem skrifuð hafa verið á undanförnum fjörutíu árum, en flest þessara laga hafa þegar öðlast fastan sess í huga áhugamanna um kórsöng. Ber þar að nefna Maríu lög Atla Heimis Sveinssonar, þjóðalaga útsetningar á íslenskum lögum eftir Victor Urbancick og Hallgrím Helgason. Þá eru þarna líka tvö lög eftir Jón Ásgeirsson, vikivakakvæðið Pilturinn og stúlkan og Hjá lygnri móðu sem flestir kórar þekkja. Þá mun kórinn flytja Eg vill ofa eina þá, Maríulag Báru Grímsdóttur sem hefur flogið fjöllum hærra sem slagari í kórum á Íslandi og einnig erlendis. Að síðustu ber að geta laga eftir Hróðmar Inga Sigurbjörnsson samdi við ljóð eftir Jónas Hallgrímsson, en Hróðmar mun eiga nærliggjandi ættir að rekja til Austur Skaftafellssýslu og að síðustu lag eftir Pál P. Pálsson. Lesa meira

Laugardagskvöldið 7. maí n.k. heldur Skagfirska söngsveitin í Reykjavík tónleika í Nýheimum. Stjórnandi er Björgvin Þ. Valdimarsson. Söngsveitin mun flytja þjóðlög frá Noregi, Svíþjóð og Ungverjalandi, amerískan gospel-sálm og að sjálfsögðu íslensk lög af ýmsu tagi, ný og gömul. Má þar nefna Nótt eftir Árna Thorsteinson, Í fögrum dal eftir Emil Thoroddsen, Skagafjörð eftir Sigurð Helgason, Ljósar nætur eftir Loft S. Loftsson og Höfðingja smiðjunnar eftir Björgvin Þ. Valdimarsson. Einsöng syngja Harpa Hallgrímsdóttir messó sópran, Ragna Bjarnadóttir sópran, Baldvin Júlíusson bassi og, Sigurður Skagfjörð Steingrímsson barítón. Undirleik annast Dagný Björgvinsdóttir. Lesa meira